HITZ ETZANAK

Irailaren 2a

Andoni Egaña -

2018ko irailak 1
Galbanak joa harrapatu nau irailak aurten. Joan zen astelehenean, Urbian genbiltzala, norbaitek atera zuen hitza eta aspaldian entzun gabea genuela aitortu genuen solaskideok. Galbana, izan ere, galbana baino ez baita. Ez da alferkeria. Nagikeria ere ez. Gazteleraz ere erabiltzen zen galbana hitza, eta, Maria Molinerrek dioenez, une luze edo laburragoei, baina uneei lotua dago beti. «Pereza circunstancial» gisara definitzen du. Galbana, beraz, etorri bezala joan egiten da. Askotan nagiak ateratzearen imintzioa egitea da aski...

Galbana-k duen lurrin usadiozko eta ukigaitz horren beste muturrean, «irailaren 2ko sindrome» izendatu nuen aspaldi batean egunotan urtero gertatzen zaigun/zaidan zera hori. Eman dituzu zuk uztaila eta abuztua batetik bestera eta arnasaldirik gabe, lanean. Itzuli da irailarekin bere lanpostura azken asteak jai eginda, indarberritua, norbait. Eta norbait horrek segituan botako dio kolpe eskueran duen telefonoa edo e-mailari bere eskaera, proiektu berri edo dena delakoan partaide izan zaitezen. Itota harrapatuko zaitu sortu berri duen zurrubiloak.

Horregatik esan izan dut askotan, zinez gainera, nik gehiago gozatzen dudala jendea oporretan dabilenean ni neroni nabilenean baino.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna