BIRA

Lehen eguna

Onintza Enbeita -

2018ko irailak 8
Karpeta berria eskuan duela atera da. Zehatz esplikatu digu zenbat ezagun eta ezezagun tokatu zaizkion bere taldean. Ondo irakurtzen duela esan diote gaur ere gelako gehienek: oporretan ez zaio ahaztu. Ordutegia ozen irakurri digu eskolatik etxerako bidean: birritan. Jantokia ikustera eraman ditu irakasleak, baina berak ez du han bazkaldu nahi: purea ematen dute askotan, eta maionesa oso gutxitan.

Haren nebari ez dio jantokiak buruko min handirik ematen. Ez badu nahi ez duela jango esaten du: ez jantokian ez beste inon. Irakurtzeak larritzen du gehiago. Ez du ozen irakurri nahi inoren aurrean: mugikorra eskatu digu kotxean, bideoak ikusteko. Karpetarik gabe atera da gelatik, lasai asko; jaka barruan utzita. Ez digu ezer kontatu: ez dakigu norekin jarri duten gelan. Lehengusina txikiari eskua emanda jaitsi du eskolako aldapa.

Txikiak ez dauka inolako kezkarik. Merienda eskatu digu atera bezain laster. Oraindik bazkaldu ere egin behar dugula azaldu diogu: ez direla klaseak goiz eta arratsaldez hasi, oraindik iraila dela. Berari bost. Esan digu eskolatik ateratzen denean otartekoa jaten duela beti: beti, beti, beti. Ez dakit konbentzitu dugun, baina ez digu berriro txorizorik eskatu.

Eta horrela gainditu dugu eskolako lehen eguna. Izeko, ze urrun dagoen ekaina...

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna