Salvador Allende iragana zen 1973ko irailaren 12rako. Bezperan hil zuten; hamazazpi urte iraungo zuen diktadura militarraren lehen kolpean. Haren hilketak Txileren norabide politikoa erabat aldatu zuen: desagerpenak, kartzela, tortura, zentsura, isiltasuna...
Halaxe esnatu zen New York ere 2001eko irailaren 12an: isilik, lehenago dorre bikiak zeuden lekuan ezer ez zuela. Batzuk, goizean esnatu eta lanera abiatuko ziren berriro; beste batzuk, dorreen azpian erraustu ziren. Zerbait aldatu zen bertakoen bizitzetan, betirako. Munduaren paradigma politikoa ere aldatu egin zen. Harrezkero, nazioarteko terrorismoaren izenean, nahi izan dituzten kontrol sozial guztiak inposatu dizkigute.
Baina efemeride guztiek ez dute biharamun berdina. Gaur isilik esnatuko zen Katalunia agian, ajetsu. Iazko, duela urte biko eta aspaldiko irailaren 12etan esnatu izan den moduan. Zerbait handia egin duen herria lasai esnatzen da. Panorama politikoa aldatu behar luke giza kate erraldoiak edo diagonala betetzeak edo milioika lagun batzen dituen manifestazioak, baina ez. Kataluniarentzat ezer ez da aldatu. Irailaren 12an ere, dinosauroak hor jarritzen du: bere errege, konstituzio, ejerzito eta faxista guztiekin.
BIRA
Hurrengo eguna
Iruzkinak
Ez dago iruzkinik
Ordenatu
