Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Pujoli buruzko ikerketa batzordea, aurrera

Xabin Makazaga -

2014ko irailak 5

Kataluniako Parlamentuan aurrera aterako da Jordi Pujol presidente ohiaren ezkutuko ondareari buruzko ikerketa batzordea eratzeko proposamena. Herenegun bi eskaera erregistratu zituzten: ERC, ICV-EUiA eta CUP alderdiena bata, eta PP eta C's alderdiena bestea. Baina Alicia Sanchez Camachok atzo argitu zuen PPk babestu egingo duela ezkerreko indarren eskaera. Eta, herenegun bertan PSCk ere aldeko botoa iragarri zuenez, Kataluniako Parlamentuan ikerketa batzordea eratzeko nahikoa boto segurtatu dituzte.

Jordi Pujolek aitortu zuelarik 30 urtean deklaratu gabeko diruak izan dituela atzerrian, talde politiko guztiek Kataluniako Parlamentuan «berehala» azalpenak emateko eskatu zioten, asteartean. Pujol irailaren 22tik aurrera agertzeko prest azaldu zen, Diadari eta irailaren 15ean Parlamentuan hasiko duten saioari ez eragiteko —galdeketa legea onartuko dute, azaroaren 9ko erreferendumari begira—, eta CiUz besteko talde guztiek ikerketa batzordea eratzeko eskaerarekin erantzun zioten presidente ohiaren atzerapen horri.

CiUren itxaropena gainerako alderdiak ados jartzeko gaitasunik ez izatea zen. Francesc Homs Generalitateko Presidentetza kontseilariak halaxe adierazi zuen herenegun: ez zuela uste oposizioak ikerketa batzorde bat osatzeko akordiorik lortuko zuenik. Baina Kataluniako PPko presidenteak zapuztu du haren esperantza: «Ikerketa batzordea egin egingo da, alderdi guztiak ados gaudelako iruzur fiskala, legez kanpoko aberastea eta komisioen ustezko kobratzea aztertzeko premiari buruz».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Xiomara Castro Libre alderdikoa, herenegun, bere jarraitzaileen aurrean. ©GUSTAVO AMADOR / EFE

Castro garaile Hondurasko bozetan, botoen erdiak zenbatuta

Igor Susaeta

Ezkerreko presidentegaiak hogei punturen aldea ateratzen dio hautagai ofizialistari. Oposizioari elkarrizketarako deia egin dio
Incheongo aireportua, Hego Korean. Hainbat herrialdek bertan behera utzi dituzte Afrika hegoalderako hegaldiak. / ©Yonhap, EFE

Pandemiei aurre egiteko nazioarteko itun bat nahi du OMEk

Arantxa Elizegi Egilegor

Aldaera berriaren lehen kasuak agertu dira Frantzian eta Espainian. Aldaera berriaren aurkako «erantzun azkarra» eskatu dute G7ko kideek. OMEk, berriz, kritikatu egin du mugak itxi eta hegaldiak eten izana, baina, aldi berean, osasun neurriak zorrozteko eskatu du.

Zentral nuklear bat Irango Buxehr hirian. ©ABEDIN TAHERKENAREH, EFE

Iranek eta AEBek elkarrizketak hasi dituzte berriz, itun nuklearra salbatzeko

Gorka Berasategi Otamendi

Zeharkako negoziazioari ekin diote Vienan, bost hilabeteko etenaren ostean. Teheranek bermeak eskatu dizkio Washingtoni, eta Etxe Zuriak ohartarazi dio agortzen ari dela akordio bat lortzeko denbora.

Libre alderdiaren jarraitzaileak Xiomara Castro presidentegaiaren garaipena ospatzen. / ©Gustavo Amador, EFE

Xiomara Castro ezkertiarrak irabazi ditu Hondurasko presidentetzarako bozak, lehen emaitzen arabera

Arantxa Elizegi Egilegor

Botoen %55,44 eskuratu ditu Libre alderdiko zerrendaburuak. Datuak berretsiz gero, Castro izango da Hondurasko lehen presidentea. Bigarren tokian geratu da Nasry Asfura, hautagai ofizialista. 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.