Noiz sortua: 2018-09-05 00:30:00

BIRA

Etxeko atea

Onintza Enbeita -

2018ko irailak 5

Texaseko herri txiki batean gertatu omen da. Goizaldean txirrina entzun eta atera hurbildu da hiritar bat, eta behatxulotik begiratu du atea ireki baino lehen. Beste aldean emakume bat ikusi du erdi biluzik eta eskuetan girgiluak dituela. Atea ireki du, baina erabakitzeko hartu dituen segundo apurretan, emakumea desagertu egin da. Abisua eman dio poliziari, eta kazetariei esplikatu die lurrak irentsi duela atearen beste aldean ikusi duen emakume hori. Eta ez, ez du mamurik ikusi: poliziak honezkero badaki neska hori nor den, eta haren mutil lagunak bere burua hil duela ere bai. Bere arrastorik ez.

Etxe askotan entzun dute txirrin hotsa, baina bakarrak ireki du atea. Eta orain diotenaren arabera, ikusi egin zuten emakumea bere girgilu eta guzti. Eta halako egoera batean logikoena atea irekitzea bada ere, inork ez dio barrura pasatzeko aukerarik eman. Inork ez du arazorik nahi. Texas urrun dago jakina, baina hemen ere beldur gehiago ematen digu norbaiti laguntzeak ekarriko digun ardurak, hari gerta dakiokeenak baino.

Suteak itzali baino lehen mugikorrarekin grabatzen ditugu, goizaldean entzuten ditugun oihuak beste zerbaitegatik izango direla sinetsarazten diogu geure buruari eta gutxitan, oso gutxitan, irekitzen diogu inori gure etxeko atea zerbait behar duenean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osakidetzako langile bat Txagorritxuko laborategi batean lanean. ©Gorka Rubio, Foku

Justizia Auzitegi Nagusiak ebatzi du Osakidetzak arriskuan jarri dituela langileak

Ainhoa Larretxea Agirre

ESK sindikatuak aurkeztu zuen salaketa, eta ekainaren 16an egin zuten epaiketa. Sindikatuak Nekane Murga Osasun sailburuaren eta Osakidetzako zuzendaritzaren dimisioa eskatu du. 

Jendea paseoan, konfinamendua arintzeko lehen fasean. ©JON URBE/ FOKU

Jaurlaritzak ziurtatu du COVID-19aren agerraldiak «kontrolatuta» daudela

Irati Urdalleta Lete

Beste hamalau positibo eta hiru hildako daude. Jaurlaritzak pentsatu du neurriak areagotuko dituela jende pilaketak «mantenduz eta orokortuz» gero

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna