BIRA

Debateak

Onintza Enbeita -

2019ko azaroak 9
Ez dakit zer espero zuen jendeak. Sare sozialak martxan sumatu nituen. Batzuek haserre zeuden euskarazko hauteskunde debatean izandako hizkuntza mailaz (argumentarioaz ez hitzik eginda, hobe). Ez dut esango amorratzen ez naizenik, baina urteak dira ergatiboa eta deklinabidea pikutara bota zituztela politikari euskaldunen titulua irabaztearen truke. Badira hauteskunde batzuk ez dudala, ahal badut behintzat, telebistako debaterik ikusten. Urtetan ez da asko izango, akaso: azken hiru urteetan zenbat aldiz joan gara botoa ematera?

Euskararen mundutik urruti samar bizi direnek emakumeen debatea piztu zuten, antza. Bost emakume. Ez dut esango ahizpak edo klonak zirenik, baina gutxi gorabehera antzera jantzita zeuden denak. Diskurtsoari dagokionez ere, euren alderdiko gizonek gizonezkoen debatean esan zituztenak esan omen zituzten.

Nik euskara eta emakumeak naturaltasunez ikusi nahi nituzke hauteskunde kanpainan. Ez dut haientzako espazio propioak sortzen ibili nahi beti. Egon behar du modua gure debateak egin beharrean guztion debatean sartzeko: inportanteak izateko. Debateetan ez lukete arraroak izan behar emakume euskaldunak, feministak, langileak, homosexualak, beltzak. Kalean gehiago dira halakoak, debateetan agertu ohi den jendearen modukoak baino.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna