HITZ ETZANAK

Txanpona

Andoni Egaña -

2018ko uztailak 13
55 urte ditut; seme-alabak haziak. Ez dut zer galdurik». Halatsu bota du Quim Torra Generalitateko presidenteak. Eman dit zer pentsatua. Bere postu eta egoeratik, bere erantzukizun mailatik eta bere arriskuetatik oso urrun sentitzen naiz. Baina bere adinetik oso hurbil...

Marcelo zeritzan tribuno militar erromatarra etorri zait gogora. Kartagoarren aurkako borrokan ari zela aurkitu omen zen gaizki armatutako soldadu talde txiki baten agintaritzan. Aurkariak asko eta hobeto hornituak ziren. Soldaduak eta menpeko gainerako buruzagiak hasi omen zitzaizkion ez zegoela horrela indarrak neurtzerik, eta atzera egitea hobe zutela esanez. Orduan, txanpon bat hartu eta erabakia patuaren esku utziko zutela iragarri omen zuen Marcelok. Gurutzea tokatzera, atzera egingo zuten. Aurpegi aldera jausten bazen txanpona, borrokari ekingo zioten. Aurpegia bistan jausi zen. Borrokan hasi eta garaipen harrigarria lortu zuten. Ospakizunetan ari zirela menpeko agintari batek hala esan omen zion: «Ez da giza-indarrik patua gaindi dezakeenik». Marcelok irribarre egin zion, eta bi aurpegiko txanpona erakutsi.

Bi aurpegiko txanpon bat baduela adierazi du Quim Torrak. Ez dakidana da egun erromatarren garaian hainbat sinesmen baduen tropak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna