HITZ ETZANAK

Teresarentzat

Andoni Egaña -

2019ko uztailak 24
Ospe handia hartzen ari zen neskato baten piano emanaldia entzutera joan zen Beethoven. Ongi ari zen neskatoa harik eta Beethovenen beraren pieza bat jotzen hasi zen arte. Zailtasunak kirioak endredatu eta ez atzera, ez aurrera geratu omen zen, nota bakar bat jotzeko ezgauza. Zutitu eta negarrez alde egin zuen jendaurretik. Atzetik joan omen zitzaion Beethoven neska sosegatze aldera, eta agindu zion egingo ziola propio beretzako lan bat. Teresa zuen izena eta eskaini zion sonata da konpositore alemaniarraren ezagunenetarikoa.

Bestelako asko ere bada, baina bertsio hori dut gustuko. Beethoven hil ondoren azaldu zen bere lanen artean obra hura, eta eskuz idatzia zeukan nori eskaini zion. Letra oso txarra zuen, ordea. Eta beti Elisarentzat zela uste izan duguna ez da letrak oker irakurri izanaren ondorio baino. Teresarentzat omen zen zinez eta sinez. Akatsak askotan zabaltzen dio bidea irudimenari, sormenari, hondo-hondoan zer legokeen jakiteko nahiari...

Mediku errezeten letra txarraren ondorioz Estatu Batuetan urtean mila lagunetik gora hiltzen direla eta, eztabaidan sumatu ditut bertako batzuk. Gaia zaharkitu bezain interesik gabea iruditu zait. Akatsari ere alde poetikoa aurkitzean datza bizitzan zoriontsu samar izateko modua.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna