Albistea entzun

BIRA

Neutroa

Onintza Enbeita -

2022ko maiatzak 19

Pena da gizarteak neutrotzat hartzen duena gizonezkoek egiten dutena izatea. Gauzak ikusteko modu patriarkala dago ustez objektiboak diren datuen atzean. Bertsolaritza da gauza bat eta emakumeen bertsolaritza beste bat, futbola da gauza bat eta emakumezkoen futbola beste bat, herri kirolak dira gauza bat eta emakumeen herri kirolak beste bat. Ohituta gaude kirol informatiboetan, tabernako elkarrizketetan zein beste edonon objektiboki neutroa omen denaren esklusibitatea gizonezkoei ematen. Adibidetzat, hortxe daukagu Erika Vazquez. 22 liga jokatu ditu lehen mailan, baina haren despedida kronikak idatzi dituzten gehienek emakumeen ligari atxiki dizkiote bere merituak. Inpresioa dut datu hori azpimarratzen den aldiro garrantzia kendu bezala egiten diotela jokalariari: gizonezkoen ligan jokatuko balu gauzak desberdinak liratekeela iradokitzen digutela, alegia. Nork jakin, ordea! Athleticen historian golik gehien Telmo Zarrak sartu ditu: 335. Haren atzean dago Agustin Sauto Arana, Bata, 208 golekin. Erika Vazquezek 264 sartu ditu. Beraz, objektiboak eta neutroak bagina, ez genuke bakarrik Athleticeko emakumeen taldean golik gehien sartu duen jokalariaz hitz egingo: klubaren historian golik gehien sartu duen bigarren jokalariaz baizik. Horri zor zaion miresmen eta errespetuarekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...