BIRA

Presoak

Onintza Enbeita -

2019ko urtarrilak 11
Imajinatu jendea pilatuta. Jendea pilatuta lau hormaren barruan. Eta lau horma horien barruan horma gehiago. Jendea pilatuta, baina elkar ukitu gabe: bakoitzarentzat bere lau hormak. Eta ateak. Bakoitzak bere atea, baina giltzik ez. Imajinatu zuen burua kiroldegira joateko gogoz amorratzen, eta atea itxita. Pentsatu eguzkia hartzea bezain ariketa sinplea egiteko ere, atea nork irekiko egon behar duzula zain. Hantxe geldi, zeure lau hormen barruan, norbaitek atea ireki arte. Zer izango ote da aste guztian berrogei minutu bakarrik izatea maite dituzunekin egoteko? Gogorrak izango dira gainerako orduak. Egunean ordubete ondo pasatzen da bakarrik, lo ere dotore egiten da bakarrik, tarteka pozik paseatzen da bakarrik, baina esnatu eta oraindik bakarrik jarraitzea ez da hain erraza. Eta berriro ohera zoazenean oraindik bakarrik egotea. Eta argi izatea ezin duzula zure bakardadean ere agindu. Eta gogorarazi egiten dizu norbaitek ezin duzula zeure kabuz aterik ere ireki. Irakurri, telebista zaharra ikusi, irratia entzun, eskulanak egin, gutunak idatzi... eta oraindik eguna ez da amaitu, eta ezin duzu inorekin hitz egin, eta ezin duzu inor ikusi; eta horrela urteak. Urteak eta urteak. Ez imajinatu: badago hemen horrela bizitzera kondenatu duten jendea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna