Albistea entzun

BIRA

Zaurgarritasuna

Onintza Enbeita -

2021eko irailak 15

Gustatzen zait nire auzokoekin parranda egitea. Hobeto esanda: gustatzen zait nire auzoko zaharragoekin parranda egitea. Zorakeria dirudi, baina naizenagatik bakarrik onartzen dituzte nik pentsatzen ditudan gauzak. Sekula ez dut eztabaida tentsorik izan. Badakit ez dugula bizitza berdina eraikiko. Badakit arrazoi desberdinen arabera bizi garela, baina ez daukagu arazorik elkar maite dugula onartzeko. Eta hori gustatu egiten zait. Gustatu egiten zait ez delako hemen ere gauza normala: baina eraikitzen ari garen horretan kabitzen da. Eta hori gustatu egiten zait.

Gu ez gara ezer unibertsoaren dimentsioan. Gutxi gara Euskal Herriaren azaleran; euskaldunegiak Bilbo handiaren bazterrean. Baina gure txikian mundu desberdin bat eraiki nahi dugu. Ez dakigu nola, baina badakigu hemen gertatu ziren gauzak ezin direla errepikatu. Eta seguruenetik urte askotan pentsatuko genuen konponbide desberdinak genituela arazo berarentzat. Ez, ordea. Gurean gertatutako gauzen erantzule garen neurrian, konpontzaile ere bagara guztiok.

Gustatu egiten zitzaizkidan nire auzoko jaiak. Ez dut onartu nahi, baina atseginak egin zaizkit ez-jaiak. Ondokoa biluzik ezagutzen duen jendea gustatzen zait: batez ere haren zaurgarritasuna zauritzen ez duenean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna