HITZ ETZANAK

Animatu!

Andoni Egaña -

2018ko abenduak 6
Aspalditxo irakurri nuen: «Jainkoa hiltzea erraza da; gorpua ezkutatzen da zaila». Horrelako zerbait ari ote den gertatzen... Izan zitekeen, baina ez naiz Francoren hezurrez ari, Mendebaldean dabilen eskuin muturrekoen haize kirastuaz baino. Estatu Batuetako 1929ko krisiaren ondotik, handik hamar urtera Europa diktadorez betea zegoela nabarmendu dute historialari eta politika kontuetan aditu direnek. Duela hamar urte, 2008an, eragin zuten han beste krisialdi handi bat, eta hara nola gauden hemen orain...

Eta okerrena da aurre egiteko ere ez dugula lortu Jainkoaren gorpua erabat ezkutatzerik. Edozein ekimenetarako deitzen dizunak «anima zaitez!» esango dizu, atxikimendua animo edo anima kontua balitz bezala. Ez diozu erantzungo erantzukizun sozialari edo elkartasunari edo nahi soilari segitzen diozula zuk, eta ez animoari, ez animari.

«Inplikatu» beharra dagoela entzungo duzu nonahi, barrutiko egin, alegia. Eta ez duzu esango, gorde egingo duzu, «barruti»-ak ardi izatera zaramatzala onenera, eta elizbarrutiko txarrenera, ez diozula inplikatu hitzari bestelako adierarik aurkitzen, saiatu arren. Eta halere, hitzen esanahia hitzen esanahi, ongi dakizu zerbait egin beharra dagoela. Ahal bada, batera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna