BIRA

Balak

Onintza Enbeita -

2019ko urtarrilak 9
Pistola baten historia kontatu nahi dizuet: egunkariek diotenez, inork gatiloa zapaldu gabe tiro egiten du beti. Gajoa pistola hori, ez baitu oporrik: beti airera tiroka ari da, biriketako airera. Horrela hasten da Peruko indigenek euren egoera salatzeko egindako ehunka kantuetako bat. Hemen ere ezagutu ditugu Coca Cola latek euren bidetik atera eta jendearen kontra joan diren balak eta urdailera gomazko pilotak bota ondoren berez hil diren emakumeak. Eta orain, tiratzaile berdinen eskutik, anekdota hutsa diren tiroak heldu dira. Hain ezerezak dira tirook, komunikabideetan ere apenas egin dioten kasurik, eta instituzioek ez dute horren aurrean esatekorik ezer. Zer dauka, bada, etxe baten kontra tiro egiteak?

Balei tiratzaileak jartzen dizkie begiak, eta ez dago kasualitaterik. Amurrioko baserri bati egin diote tiro oraingoan, baina ez bada ezer gertatzen, inork ez badu ezer esaten, taberna bateko borrokatik mundua egin zutenak orain anekdotez berbetan jarraitzen badute, nork esango digu guri tiro hau bat eta bakarra izango denik? Eta intentzioa, etxe baten kontra tiro egitearen intentzioa, badakigu zein den; hain zuzen ere, badakigulako munduan diseinatu diren bala guztiak (jolaserakoak izan ezik) hiltzeko diseinatuta daudela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna