Albistea entzun

BIRA

Kontrako eztarritik

Onintza Enbeita -

2019ko martxoak 22

Ez dakit nori zor nion ariketa hori egitea: neure buruari, entzuleei, bertso kideei edo inori ere ez. Kontua da egin dudala. Orri zuriaren aurrean izan zen lehen saiakera, hitzaldi bat osatzen ari zen lagun bati neure testigantza idazteko. Lagun horren grabagailuaren aurrean izan da bigarrena: luzeagoa, osoagoa eta zailagoa. Eta beti bezala, neure buruari galdetu diot ea biluzteak balioko digun. Bai, balio digu, baina ez guri bakarrik: inguru zabalagoari lagunduko dio gertatu direnak ulertzen eta aurrerantzean gauzak hobeto egiten.

Kontrako Eztarritik izenarekin bildu ditu Uxue Alberdik bertsotan egiten dugun hainbat emakumeren bizipenak. Ez dira hain bizipen partikularrak, eta ez; ez dut liburuaren propaganda egiteko beharrik sentitzen. Baina esan beharra daukat, gogorra egin zaidala testigantza guztiak, neurea barne, euren gordinean irakurtzea. Bertsoak badu ederretik eta plazak badu gozamenetik. Nola ez ba! Baina noizbait hitz egin behar genuen honetaz, hitz egin behar genuen eder hori eta gozamen hori ukitzea zein garesti ordaindu arazi diguten. Eskerrik asko, Uxue. Eskerrik asko, biluztu zareten guztiak. Orain, gauzak aldatzea tokatzen zaigu, baina ezin genuen liburuaren orria pasatu ezer gertatu ez balitz bezala; hau ere gertatu egin baita.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.