Noiz sortua: 2020-01-16 00:30:00

BIRA

Zergatik, zergatik...

Onintza Enbeita -

2020ko urtarrilak 16

Ze pozik irakurri dudan mezua sarean: «Ideia ona Gaizka Aranguren aurkezle gisa ikustea! Baina gonbidatuei diedan miresmen, errespetu eta maitasun guztiarekin, ez al da beste jende bat ezagutzeko paradarik ETBn?». Horixe galdetu diot askotan neure buruari. Eta lasai, zuen beste ikusten dut nik ere neure burua pantailaren aurrean: gehiegitan, nazkatu arte. Beraz, nire partea asumitzen dut inolako arazorik gabe. Programa berriak estreinatu egiten dira, zaharrak etengabe errepikatu, irauten dutenetan zerrendak agortu... eta beti aurpegi berak ikusten ditugu euskarazko telebista publikoan. Gure telebistak balio beharko luke jende berria ezagutzeko, jendea zer sortzen ari den jakiteko, harrobiari lekua egiteko, baina beti ez da horrela gertatzen. Eta beti ez da horrela gertatzen Euskal Herriko pertsona erreferente askok ez dutelako Euskal Telebistara joan nahi. Dela programazioarekin desilusionatuta daudelako, dela urteetan eman zaien tratu ez hain egokiagatik, dela euskal kulturari galdu zaion errespetuagatik, ez dute euskarazko telebista publikora joateko ilusiorik. Bada garaia Euskal Telebistak bere buruari galdetu diezaion zergatik ez duten nahi, zergatik esaten duten ezetz, zer falta duen telebista publikoak euskarazko sortzaileak eroso senti daitezen...

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 25ean eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, zortzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 28.496 gaixok eman dute positibo guztira, koronabirusa atzemateko probaren bat eginda. Horietatik 2.020 hil dira. Grafikoak, albiste barruan.

Ikasle bat ikasgelan, Donostiako Axular Lizeoan. ©Gorka Rubio / Foku

Eskola «gutxitan» itzuli dira ikasgelara, sindikatuen arabera

Berria

ELA, LAB, Steilas, CCOO eta UGT sindikatuen arabera, ikastetxe «gutxi» izan dira gaur ateak ireki dituztenak. Sindikatuek protesta egin dute Gasteizko Eusko Jaurlaritzaren egoitzaren aitzinean.

Ikasgelara itzulera

Abian da itxialdiaren bigarren arindua

Berria

Konfinamendua samurtzeko neurriak ugaritu direla agerikoa izan da gaur; hondartzetan, makrodendetan, ostatuetan eta eskoletan aldaketa eguna izan da. Sindikatuek ohartarazi dute arretaz aztertuko dutela ea ikasleak eta irakasleak segurtasunez itzultzen ari diren eskolara, eta hala ez bada mobilizazioak egingo dituztela nabarmendu dute.

 

Arrrigunagako hondartza, Bizkaian. ©Marisol Ramirez / FOKU

Paisaia aldatzen (eguneko laburpena)

Pello Urzelai

Hildakorik gabeko egun baten ondoren, berriz zenbatu dira hildakoak, baina gorabeherak daude Nafarroako datuekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna