Albistea entzun

BIRA

Autosuntsiketa

Onintza Enbeita -

2022ko maiatzak 25

Ez dakit zenbat aldiz hitz egin dudan lagun artean planetaren berotzeari buruz. Urteak dira gai hau mahai gainera ekarri zigutela, eta harrezkero gauzek ez dute hobera egin. Deigarria zait, hala ere, gure belaunaldiak zein kasu gutxi egin dion gaiari, edo, gaiari kasu egiten diola esan izan duen arren, zein ardura gutxi hartu duen. Aste honetan berriro entzun ditut zientzialariak telebistan, eta loa kentzeko moduko gauzak esan dituzte. Mila aldiz entzun ditugun gomendioekin batera, hegazkina ahal dela saihesteko azpimarratu dute berriro. Orduan gogoratu naiz nola entzun izan dudan gure inguruan bidaiekiko menpekotasuna duela esaten duen jendea, eta nola bihurtu garen inozo hiru egun libre ditugun aldiro hegazkinik hartzen ez dugunok.

Dena eskura jarri digutela ematen du. Sasoi batean aberatsek bakarrik zituzten aukera guztiak ditugu: etxe bakoitzean nahi adina auto, errepideak, ia nahi dugunero nahi dugun tokira bidaiatzeko aukera, aire girotua eta berogailua, hegaldi garestiak eta merkeak, ilea tente jartzeko edo zelulitisa kentzeko aerosolak, erabili eta botatzeko gauzak... Eta, konturatzea kosta egin zaigun arren, planeta suntsitzeko gaitasuna ere eman egin zaigu beste gauza guztiekin batera. Nola ez, gu zintzo ari gara aukera hori ere baliatzen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...