HITZ ETZANAK

Zoriona

Andoni Egaña -

2019ko martxoak 20
Zorionaren Nazioarteko eguna gaur (inoiz zalantza sor daiteke Langileen Nazioarteko eguna ala Nazioarteko Langileen eguna idatzi, baina burutik pasa ere egingo ez zaiguna da Nazioarteko Zorionaren eguna ospatzea, herrialdeak elkarri mokokada etengabean dabiltzan honetan).

Atentzioa ematen du edozeri egun bat eskaintzera ohituak egon arren hain kontzeptu zabalari ere eskaini behar honek. «Zoriontsu izan daitezela» erantzungo dizu egungo edozein gurasok seme-alaben etorkizunerako zer desio duen galdera eginez gero. Mant(r)a bihurtu da zoriona, gabezia asko ezkutatzen dakiena. Zorionak ez du harreman onegirik adimenarekin; adinarekin ere ez. Behin entzun nuen haurrak zoriontsu direla, haur diren artean garunean artxibategi bat falta zaielako «oker irten daitezkeen gauza guztiak» dioena; memoria onarekin haserretuta dabil beti zoriona eta artearekin ez du harremanik, erakusteko moduko orbainarik ere utzi gabe joaten baita…

Zorionak, atleta balitz, ezin izango luke hirukoitz jauzien lehian parte hartu, beti urrats bat eginda geratzen da eta. Luzera jauzian ez luke marka onik egingo. Eta altuera jauzian, berriz, langa oso behean jarrita baino ez luke apur bat luzituko. Baldarripurdi horri egun bat eskaintzea ere!

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna