andoni egana
HITZ ETZANAK

Elementuak

2020ko urtarrilaren 24a
00:00
Entzun
Elementu kimikoena ez zen zerrenda atorrante bat baizik. Bestela azaldu izan baligute, bestelako arreta eskainiko geniokeen. Esaterako, wolframa edo tungstenoaren isolatzearen historia. Elhuyar anaiak, Espainiako Karlos III.a erregea, haren Itsas-ministroa, Bergara eta «Real Sociedad Vascongada de Amigos del País», gerrarako kanoi hobeak egin nahia, horretarako abian jarritako espioitza lanak...

Elementu kimikoak ez dira, nonbait, zerrenda soila, azterketa egunerako esku-ahurrean apuntatu, eta lehenengo garbialdiarekin deusezten direnak. Guda sasoiekin eta gudarako erabilpenarekin du zerikusia zenbait elementu kimikok, eta hori ez da eskuak behin garbituta ezabatzen. Oraindik ere, AEBetako Gobernuak wolfram erreserba bat gordetzen du beti, eta ez da bonbilla-hariak eta boligrafo-punttak egiteko izango.

Orain, Mendebaldeko Sahararen Itsaso zatia ere bere egin nahi du Marokok. Arrantza kontuak baino areago, urpeko lehengaiekin du zerikusia jabetza interesak. Bereganatu nahi dituzten uretan omen daude munduko telurio eta kobalto erreserba handientsuenak. Eta Espainia tartean. Garai batean, Francoren Gobernuak Hitlerri wolframa bidaltzen zion. Ordainetan, 12 tona urre eta 4 tona opio jaso omen zituen. Urrearena ulertzen dut...
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.