HITZ ETZANAK

Xextrak

Andoni Egaña -

2020ko urtarrilak 11

Egia da goikoei begiratuz gero ez daukagula asebeteko gaituen eredurik. Espainiako Diputatuen Kongresuan sekulakoak eta bi esaten dizkiote elkarri, auzo-lotsa sortzerainokoak askotan eta beste askotan beldurra ematerainokoak; munduaren etorkizuna bertan jokatzen ari direlako itxura egiten dute eta hurrena diputatuen ehuneko laurogeita hamar falta izango da bere eserlekuan...

Parera begira jarrita ere ez dugu panorama hoberik aurkituko. Egunkarietako herrietako sailera bidaltzen dituzten gutunak dira neurgailu on. Batek zoriondu egingo ditu Errege Magoen Kabalgataren antolatzaileak, lehen aldiz pajeen suziriei su eman ordez argi-lanparekin atera dituztelako. Kutsadura eta arrisku txikiagoak. Baina beste batek erantzungo dio betiko suziri sutuak izan direla eta umezarotik sudur-mintzetan katigatu zitzaion usain berezi hura eskas sumatu duela aurten. Beste batek Erregeak goxokiak banatzearen alde egingo du eta ez du kontrakorik faltako. Eta hirugarren bat alde azalduko da, baina gero kaleak ongi garbitzearen truk, goxoki-zorroz zerri geratzen omen direlako. Eta beste batek zaborra jasotzea premiazkoa dela esango du, baina bere etxepekoa goizaldera jasotzen dutela eta hotsek ez diotela lorik biltzen uzten.

Ez da erraza elkar konpontzen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna