HITZ ETZANAK

Tiobad

Andoni Egaña -

2020ko otsailak 1

Bi helbururekin jo genuen Mexicoko Veracruzera 1996ko uda amaiera hartan: bertsolaritzaren berri ematera batetik, eta bestetik, abian jartzera zihoan elkarte berri hartan gu ez ginela partaide izango argi adieraztera. «Asociación de la Décima Improvisada Iberoamericana» zeritzan sortu nahi zuten elkarte berriak. Gu inprobisatzaile bai, baina dezimistak ez ginela, eta batik bat, ez ginela, hurrik ere, iberoamerikar sentitzen azaldu genien.

«Joan egin behar du pertsonak haraino ezetz esatera!», pentsatuko du norbaitek. Egin genuen ezezkoa azaldu baino zerbait gehixeago. Partaide izan ginen bertako inprobisazio jardunaldietan. Estreinakoz ezagutu genituen inprobisatzaile kubatar, argentinar, kolonbiar, txiletar... guztiz interesgarriak. Baina antolakuntzari berari eta Veracruzen agertu ziren bertako inprobisatzaileei zegokienez, oso iritzi kritikoa ekarri genuen. Belaskak ziren, botereari oso makurtuak, zuri asko eta ziri gutxi.

Ez da erraza munduari neurria hartzen. Ezagutzen zenuela zerbait uste eta... Azken asteko Argia aldizkarian dator albistea: «Tiobad hil dute Veracruzen, frackingari eta agintari ustelei aurre egiten zien koblakaria». Non zegoen gu joan ginenean? Hogeita lau urte baino ez zituen orain. Jaio berria zen erail berria.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Pertsona batzuk maskararekin pasa den astean, Orion (Gipuzkoa). ©Jon Urbe / FOKU

Getariako Udalak, hiru kasuren berri eman, eta Osasun Sailaren jarrera salatu du

Amaia Ramirez de Okariz Kortabarria

Eusko Jaurlaritzako Osasun Sailari eskatu diote zuzenean emateko egon daitezkeen positiboen berri eta hartzeko herritarrak babesteko hartu beharreko neurriak. Azpeitiko (Gipuzkoa) Udala ere kezkatuta dago.

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna