BIRA

'Kotxina'

Onintza Enbeita -

2019ko apirilak 11
Erratzari gainetik trapua jarri eta hormak garbitu behar nituzkeela esan dit. Gutxigatik ez naiz atzeraka erori. Lantzean baten azulejuak garbitzea gutxi balitz bezala, margotutako paretetan ere erratza pasatu behar da; baina ez zikintzeko, gainetik trapu bat jarrita.

«Gaur ere ez daukazu nondik heldu», esaten zidaten umetan. Ez zitzaidan asko gustatzen hori entzutea, baina altzoan hartu nahi nindutenek zail izaten zuten garbi neukan gorputz atalen batetik eusten. Ez dakit nola konpontzen nintzen, baina beti nengoen besteak baino zikinago. Jartzen zizkidaten arropa dotoreak, zapata paristarrak, baina ez nuen bakerik izaten dena belztu arte. Ez zitzaidan asko inporta esaten zutenak: ondo pasatzea zen asmoa. Plastikako klasean, bazkari familiarretan, parrandetan... beti amaitu dut besteak baino zikinago.

Eta ia berrogei urte daramatzat kotxinismoa disimulatzen. Umetan goitik beheraino zikin-zikin ibiltzen zen neska hura garbia dela erakusten diot munduari. Hala ere, ez naiz hasiko erratzari trapua jarri eta ez dakit zertan. Nahiago dut neure esentziara itzuli burua galdu baino lehen. Lehen ondo pasatzea nuen helburu eta orain ere bai. Ez ditut tabernan, larrutan edo irakurtzen pasa ditzakedan orduak erratzari trapua jarri eta sabaiak garbitzen pasatuko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna