BIRA

Isiltasuna

Onintza Enbeita -

2020ko irailak 25

Atea bota, etxea hankaz gora jarri, barruan zeuden guztiak aztoratu, atxilotuak kolpeka atera, oihu egin, kotxean galderak egiten hasi, eskuak lotu, komisariara eraman, han edozein bazterretan bota, oihuak, argiaren kliskak korrontea joan eta etortzen denean, ostikoak, poltsa buruan, arnasestua, telefono listinarekin kolpeak, barre, atera zeldatik eta galdeketa gelara eraman, burla, desgaste psikologikoa, ezer ez duzula balio etengabe esaten dizuten ahotsak, lagunaren oihuak, berriro ere bota ziega zikinean, maite duzun horren mina aldameneko gelan, gorrotoa, guardia zibilak korrika batera eta bestera, eskuetatik ihes egin digu, antsietatea… eta bat-batean, isiltasuna.

Eta isiltasunak ez zuen ezer onik ekarri: Gurutze Iantziren bihotza lehertu egin zen. Lehertu arte torturatu zuten. Agian, isiltasun horrekin esan zigun Iantzik nahikoa dela: jendeak kalean lasai paseatzen duen bitartean, komisarietan jendea txikitu egiten dutela. Urte asko joan dira irail hartatik. Asko izan dira hura baino lehen apurtu zituztenak. Asko izan dira harrezkero torturatu dituztenak.

Herri honetan sistemikoki torturatu da, baina batzuek nahiago dute isiltasuna. Eta isiltasunak memoria hiltzen du, eta guri lagun asko ostu dizkigute goizaldean memoriari hiltzen uzteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Debatea

Debatea

Kirmen Uribe

Trumpen eta Bidenen arteko lehiari begira jarri da Kirmen Uribe ere, aste honetako New Yorkeko munduak podcast-ean.

 ©Malen Amenabar Larrañaga / Txakur Gorria
Itziar-Ondarroa
Hamabostaldia Mexikon

Hamabostaldia Mexikon

Kirmen Uribe

Berezko dudan baikortasun, ezen ez xalotasun, honek traizionatu egiten nau batzuetan. Gaztetan maite nuen Emil Cioran-en ezkortasun beltza, baina orain, zer esango dizuet, nahiago dut Bertrand Russell-en inkonformismo bizizalea. Uste genuen abuztuaren bukaeran gauzak hobeto egongo zirela Covid-aren kontuarekin, Europa eta Estatu Batuen arteko mugak zabalduko zituztela eta ez genuela arazorik izango New Yorkera itzultzeko. Baina ez da izan horrela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna