Albistea entzun

BIRA

Beti horrela

Onintza Enbeita -

2021eko irailak 18

Leku gehiegitan errepikatzen den esaldia da: hemen beti horrela egin dugu. Badakit batzuetan lagungarria eta praktikoa dela gauzak betiko moduan egitea, baina onar dezagun beti ez dela hala. Gauzak betiko moduan egitea balitz aukera bakarra, emakumeok ez genuke boto eskubiderik izango. Era berean, gauzak beti bezala egiteagatik bakarrik, batzuek ez dute nahi Baztango mutil dantzak guztienak izaterik. Ez dakit zer den betikoari eustera eramaten gaituena: erosotasuna, beldurra ala beste batek guk baino ideia hobea izan duela onartu nahirik eza. Edozein motibo dela ere betikoari eustera garamatzana ez da oso baliagarria.

Gauzak aldatzea ariketa polita da, batez ere onerako ari zarela badakizunean. Eta emaitza zein izango den ziur ez dakizunean, arriskua hartzea merezi du: beti. Azken batean, beti berdin egin den gauza bat aldatu eta gaizki atera bada, beti dago lehengo moduan egiteko aukera. Orduan, ordea, arrazoia zuenaren burugogorkeria ateratzen da, eta ez du informaziorik eman nahi izaten.

Duela egun bi, berriro ikusi nuen neure burua beti horrela izan diren gauzak aldatzeari buruz eztabaidan. Eta azkenean inork erantzun ez zidan galdera batekin etorri nintzen etxera: noiztik da beti? Noiz kristo hasten da beti? Ze amaitu, antza, ez da inoiz amaitzen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.