Albistea entzun

BIRA

Ardurak

Onintza Enbeita -

2022ko irailak 13

Astelehenero ezin da lehorteari buruz berbetan egon, eta atzo Elizabeth II.az aritu ginen. Aldizkari baten azalean ikusi nuen argazkia, eta lan handirik egin gabe hil dela esan nuen. «Hark ere izango zituen bere ardurak», erantzun zidan nire ondokoak. Ezin hori ukatu, baina ardurak nork eta zergatik dituen ere begiratu egin behar da. Izan ere, monarkiaren oinarrian Jainkoaren nahia baino ez dago: hark aukeratu omen zuen duela ez dakit zenbat mende Ingalaterran zein familiak aginduko zuen. Hortik aurrera, gerrak eta abdikazioak izan dira tarteko, baina koroa gurasoengandik seme-alabengana joan da Charles III.aren burura iritsi arte. Amak baino pena handiagoa ematen didala esan nien; ez dela gozoa izango 74 urterekin lanean hastea. Barre egin genuen, baina adin horretan lanean jarraitzen duten hainbat emakumez inguratuta nengoen, eta XXI. mendean monarkia bizirik egotea injustua, lotsagarria eta onartezina dela pentsatu nuen berriz ere.

Haien arduren izenean guztiongan eragiten duten erabakiak hartzen dituzte, guztion dirutik jaten dute, guztiok onartzen ditugu haien luxu beteko bizitzak, guztion izenean joaten dira lehenago txikitu izan dituzten herrialdeetara. Eta hala ere, ez dute guztiotatik bat beraren boto zuzenik herriaren izenean jarduteko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...