HITZ ETZANAK

Minutuak

Andoni Egaña -

2018ko ekainak 22
Eustatek atera berri dituen datuak dira. Euskal Herrian hamar langiletik lauk lan-jornada luzatu beharra izaten du, eta joera gorantz doa urtean-urtean. Alegia, behar baino lehenago sartzen dira edo, gehienean, behar baino beranduago ateratzen. Batzurentzat ohikoa da hala egin beharra. Besteei tarteka baino ez zaie gertatzen. Denetarik egongo da hamarretik lau horietan. Batzuk partaide sentituko dira lantokian, taldeko, eta ez zaie axola izango minutu batzuren gora-behera. Beste batzuk ordea derrigortuta geratuko dira behar baino denbora gehiagoan, sinaturiko kontratu xuhurrean azaltzen diren orduek ez dietelako lana ateratzeko hainbat denbora eskaintzen.

«Zabor-minutuak» esamoldeak indar hartu du kirolean. Emaitza jakinekoa izanda ere bukaera aldera jokatu beharreko minutuak izendatzeko erabiltzen da. «Beldur-minutuak» deituko nieke nik langileak kontratuak dioenaren ordutegiz kanpora sartzen dituen horiei. Badakit ez dizkidatela ordainduko, baina sartzen ez baditut aitzakiaren bat aurkituko dute kaleratzeko. Eta kalean hainbeste daude lan hau hartuko luketenak! Ez noa protestan hastera. Nagusiaren «zer esangoak, gerarazten dizkit zangoak».

Eta horrela ateratzen dute batzuk bizimodua eta besteek dirua.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna