Albistea entzun

BIRA

Neskak vs mutilak

Onintza Enbeita -

2018ko urriak 19

Eskola kirolean eman du izena lagun baten alabak, eta lehenengo egunean talde bi egin dituzte begiraleek: neskak talde batera eta mutilak bestera. Gure lagunari ez zaio ondo iruditu eta eskatutako azalpenak eman egin dizkiote: adin horretan mutilek ez omen dute neskekin jolastu nahi izaten, hain onak ez direlakoan. Beraz, baloia ez dietenez neskei pasatu nahi, hobe da batzuk eta besteak talde banatan egotea.

Azalpen logikoa dirudi, baina non kokatuko ditu bereizketa horrek ez neska ez mutil sentitzen ez diren umeak?

Bestalde, kirolean ona edo ez hain ona izatetik harantzago landu daitezkeen balioak badaude: taldetasuna, adibidez. Baldin eta norbaitek ez badu jolasa konpartitu nahi, ez badu bera baino traketsagoa denari baloia pasatzerik nahi edo ez badu nesken kirol gaitasuna ikusi nahi, horrekin egin beharko du begiraleak lanketa berezia. Ala ez?

Azkenean, eskolan bertan egiten badugu lehen bereizketa, gure umeek jarraituko dute pentsatzen gizonak askoz ere abilagoak direla kirolean, eta horregatik joaten dela jende gehiago haien partidak ikustera, eta horregatik kobratzen dutela diru gehiago kirol berean jokatu arren, eta horregatik merezi dutela gizartearentzat erreferenteak izatea, eta munduaren ordena hau zuzena dela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.