HITZ ETZANAK

Suntsitu

Andoni Egaña -

2019ko maiatzak 22
Ez dakit aholkularirik baduen eta ez dut bere ahotik entzun. Edurne Begiristainek egin eta berripaper honek argitara emandako elkarrizketa batean esan zituenak deigarri iruditu zitzaizkidan, ordea. Gorka Urtaran da EAJren Gasteizko alkategaia, azken lau urteotan alkate izan den bera.

«Alkate bazara, zer gertatuko da Errekaleor auzoarekin?» galderari erantzun dionak baino gehiago, erabili dituen hitzek harritu naute: «Gure asmoa da auzoa hustu eta etxebizitza horiek suntsitzea». Hustu eta suntsitu aditzek ez dute sinpatia handirik sortzen inongo testuingurutan, eta kanpaina bete-betean ez erabiltzeko hobeak dira erabiltzeko baino. «Negoziazioaren bidea agorturik dago, eta okupazioa amaitu behar da». «Bidea agorturik» etsipena da irtenbideak aurkitu behar lituzkeenaren ahotan. «Amaitu behar da», berriz, agindua, goitik beherakoa. Eta horrelako hitz ezkor pilaketak kirrinka sortzen du belarrietan, arazoari buruzko iritziak iritzi.

Ziur azaldu da bera berriz ere alkatetza eskuratuko duen galdetzean. Ez dakit ba nik! Akaso neu izango naiz arraroa. Argi hitz egiten ez dutenean politikariak kritikatu egiten ditugula eta argi mintzo direnean argiegi mintzo direla esaten dugula pentsa dezake norbaitek. Ez luke arrazoi faltarik...

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna