BIRA

Esperpentoa

Onintza Enbeita -

2019ko urriak 25
Elvisez mozorrotutako faxista bat ikusi nuen sekulako mozkorra zeukan agure zahar baten ondoan oihuka. Eguzkitako betaurrekoak, svastika tatuatuak, kaspa eta arranoak. Halakoetan askotan pentsatzen dudana pentsatu nuen: «Nola irabazi ziguten gerra?». Bai, badakit: ejerzitoa daukate, eta armak. Guk baino askoz ere arma gehiago izan dituzte beti. Halako batean Tejero ikusi nuen. Lekutan dago orain «eseri zaitezte, koño!» hura, baina nola egin zioten txalo, aizue. Eskuinarentzat heroi guztiak dira onak, baita antiheroiak ere. Estatuaren, zer diot estatua, nazioaren, zer diot nazioa, inperioaren balioak defendatzen dituen edonor da heroia.

Eta halako batean, botaguraren eta barreguraren artean nenbilela, hilkutxa ataskatu egin zitzaien helikopteroko atean. Benetan? 44 urtean itxaroten egon gara gizon horri lurperatzerakoan ezarritako ohoreak kentzeko, eta orain hau? Berdin du lehen ahalegina izatea huts egin duen bakarra. Ezerk ezin zuen huts egin.

Milaka lagunen memoria dago jokoan; duintasunaz ari gara. Hilobietatik ostu eta diktadorearen ondora eraman zuten jendearen senideak borroka latzetan ari dira, desagertuak milaka dira oraindik, eta zuek, diktadorea hilobitik atera behar zuten egun handian ohore egin diozue. Ez daukazue ez aitzakiarik ez barkamenik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna