Albistea entzun

BIRA

Ordezkatu

Onintza Enbeita -

2022ko uztailak 2

Atzo Athleticen izan berri diren hauteskundeez aritu ginen berbetan zaleak, bazkideak, futbolaz ezer gutxi dakigunak eta ezer jakin nahi ez dutenen talde bat. Harrigarria da nola interes gutxien geneukanok ere bagenekien guztiok hiru hautagai izan zirela. Futbola beti dago erdian: guztiok harrapatzen gaitu nahita edo nahi gabe. Hamaikak hamaikaren kontra baino, guztiok jokatzen dugu guztion kontra, eta herriaren funtzionamendua baldintzatzen du. Pentsa zer izango litzatekeen gizartea futbolari eskaintzen zaion denbora beste kirol bati eskainiko baliote albistegiek, edo musikari, edo mekanikari, edo euskarari edo beste edozein gauzari. Izan ere, ezer ez da berez gertatzen. Zentroan zer egongo den eta garrantzitsua zer izan behar den erabaki egiten da. Ez guk edo gure lagunek, baina munduaren kontrola gura dutenek gure gustuak zeintzuk izan behar diren diseinatzen dute. Berdin du gasolinak ze prezio daukan, zure herriko futbol taldea ukatu ezin duzun sentimendua da: egin zaitez bazkide. Futbola adibide ederra da talde-lanaren garrantzia erakusteko, baina horretarako izan ezik beste guztirako erabiltzen da. Zeren, esango didazue ea hilabete amaierara iritsi nahian kalean gora eta behera gabiltzanotatik nor ordezka dezakeen Athleticeko hauteskundeetan izandako hautagaietako edozeinek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...