Albistea entzun

EKOGRAFIAK

Irakasleak

Amaia Garcia -

2022ko irailak 8

Eskolarako itzulera iritsi da. Euskal Herriko gazte batzuek emozioz hartuko dute, eta beste batzuek nagikeria astindu beharko dute eguneroko errutina ezartzeko. Eskolaren itzuleran gurasoek ere rol oso garrantzitsua dute, baina, nire ustez, askotan benetako protagonistez ahazten gara: irakasleez. Arabako Errioxako eskola batean irakasle den lagun batekin hitz egin dut azken egunetan, eta uda osoa oporretan egon ostean, lanera bueltatzeko gogoa zuela adierazi zidan. Bestalde, nagikeria pixka bat baduela aitortu dit. Irakasle bakoitzak gauza desberdinak prestatu behar ditu bere ikasturterako. Nire lagunak aurreko urteko programazioa lagun edukiko du, baina erronka berriei aurre egin beharko die aurten.

Euskal eskola publikoa ezin dugu AEBetako eskola publikoarekin alderatu. Horren adibide argia Abbott Elementary (Disney Plus) telesailean aurki dezakegu. Telesail horrek Filadelfiako eskola publiko baten egunerokoa kontatzen du. Telesaila Quinta Brunson idazle eta aktoreak sortu du, eta telesaileko protagonista bera da. Brunsonek Janine Teaguesen rola egiten du. Eskolan denbora gutxi darama, eta bere helburua irakasle bikaina izatea da. Helburu hori lortzeko oztopo dezente ditu: besteak beste, eskolaren finantzaketa arazoak, eraikinaren egoera txarra eta klasean erabil dezakeen material eskasa. Bere egunerokoaz gain, arazo handi horiei konponbidea jartzen saiatzen da. Horretarako bere lankideei laguntza eskatzen die, baina gutxitan lortzen du guztien konpromisoa. Horrez gain, eskolako zuzendariak ideia zoroak proposatzen ditu askotan, eta Janinen proposamenak zapuztu egiten ditu.

Telesail horretan umore oso berezia erabili dute egoera hain ezegonkorra azaltzeko. Egoera trakets hori umorearen bitartez azaltzea estrategia bikaina dela uste dut. The Office edo Community telesailak gogora ekartzen duen telesaila da.

Euskal irakasleak ikasgeletara itzuliko dira gaur, eta bi urteren ostean, COVID-19aren ondorioz hartu ziren neurriak desagertu dira. Abbott Elementary telesailean dituzten oztopoak ez dituzte edukiko euskal eskoletan, baina hasiera honetan bestelako arazoak izango dituztela seguru nago. Horregatik itzulera ona opa diet denei; eta gauzak umorez hartzeko, Disney Pluseko telesaila gomendatzen diet.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Erroiz olio enpresako kideak, Oinatz Bengoetxea pilotari ohia erdian dutela, atzo. ©JAIZKI FONTANEDA / FOKU

Urre berdearen zukua dastagai

Unai Etxenausia

Lantziegoko Erroiz olio enpresak oliba olio birjina estra berria aurkeztu du. Aurten, Bengoetxea pilotari profesional ohia gonbidatu dute Sustraiak zuku izarra dastatzera.
Txantxangorri bati eta onddo bati sakelakoarekin egindako argazkiek Merlin eta Mushtool aplikazioetan egindako bidea. ©BERRIA

Natura poltsikoan

Enekoitz Telleria Sarriegi

Geroz eta gehiago dira natura behatzen eta ulertzen laguntzen duten sakelako aplikazioak. Behatu litezke mendiak, onddoak, hegaztiak, landareak, zeruak... eta bahetu litezke ondoren behaketak. Adituek diote erabilgarriak, errazak eta herritarrak zientziara hurbiltzeko lagungarriak direla, baina tentuz erabiltzekoak ere bai, ez dutelako beti bete-betean asmatzen.
Jose Ignacio Jauregi —eskuinetik hasita bigarrena—, lankideekin, Michelin izar berdea esku artean dutela. ©IÑIGO URIZ / FOKU

«Ongi elikatutako txerriek zapore hobea dute»

Amaia Jimenez Larrea

Lekunberriko Maskarada jatetxeak Michelin izar berde bat lortu du orain gutxi. Jatetxearen jasangarritasuna saritu dute, 'euskal txerri' izeneko arraza nola tratatzen duten aintzat hartuta.
 ©TAMARA ARRANZ

Ez ote da beranduegi autoeskolarako?

Mikel Yarza Artola

Borja Cobeagak 'No me gusta conducir' telesaila estreinatu du, gidabaimena 40 urterekin atera nahi duen gizon baten inguruko komedia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.