Albistea entzun

BIRA

Ni ere bai

Onintza Enbeita -

2022ko uztailak 1

Nik ere ikusi dut Bilboko alkatea izan nahi duen emakumeari buruzko telesaila. Fokupean egoteko erabakia hartzen duten emakume gehienek lez, horrek ere etsaiak egiten ditu bidean, eta bistatik kendu gura dutenek gizon batekin larrutan azaltzen den bideoa egiten dute publiko. Hori da telesailaren abiapuntua, baina hainbat indarkeria gurutzatzen dira zortzi kapitulutan. Kontua da oso ezaguna egin zaidan sentipena transmititu didala tramak: babestuta sentitu behar genukeen eremuetan babesik ez sentitzea. Alderdikideak, lankideak, kuadrilla... isildu egiten dira askotan, edo gauza desegokiak esaten dituzte. Ez baitut uste egokia denik babestu gura duzun pertsonari «hau gaizki dago, baina...» esatea. Ez zaie lagunei gezurrik esan behar, baina gauzak baretu arte itxarotea ere ez da asko eskatzea. Emakume askori gertatu zaigu geure burua haize zakarrak harrapatuta ikustea, eta babes bila joan garen lekuan zalantzan jartzen gaituztela sentitzea. «Ni ere bai» edo «niri ere bai» esaten dugunean, horretaz ere hitz egin beharko genuke. Poliziak eta epaileek sinets diezaguten ez litzateke hain zaila izan behar, baina beste guztiok biktimari sinisten badiogu, erasotzailea ezin da eroso egon alderdian, lantokian, kuadrillan edo biktimarekin konpartitu duen beste edozein lekutan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.