BIRA

Lekukoa

Onintza Enbeita -

2019ko apirilak 13
Mendebaldeko euskaldunak gara gu: ustez, euskara salbatuko den lekutik alboratxoago bizi gara. Eskuinak indar bizia lurraldean ezkerra aukeratu genuen, eta geure kontraesan guztiekin bada ere, irauten dugu bizirik. Eskolako patioan, gustatzen ez zitzaizkigun kiroletara jolastu behar izaten genuen goma bati bueltaka bazterrean egoteaz nazkatzen ginenean. Bertsolaritza gustatzen zitzaigun umetan, eta orain arte bertsolari iraun dugun arren, beti izan gara kontziente jende asko joaten den lekura joateko beste afizio batzuk izan behar direla. Baserrian jaio ginen: arbaso zaharren etxean. Mundu modernoagoen bila ihes egin zuen jende askok, baina guk hemen gelditzea erabaki genuen. Orain, modan jarri dira berdea eta bukolismoa, eta pribilegiatuak garela esaten digute; baina gu ez gara egundo mugitu tokatu zitzaigun bazter honetatik.

Ostegunean, Bilboko Kale Nagusian, Korrikaren lekukoa eraman genuen. Ordezkatzen dugun periferia guztia hantxe zegoen, erdi-erdian: enpresa, erdara, hiria, ekonomia, modernotasuna, kirol maskulinoa eta beste hainbat gauza epizentriko ordezkatzen dituen lekuan. Ez du mundua aldatzeko balioko, baina guri balio izan zigun periferiak erdigunera ekartzeko ze behar daukagun aldarrikatzeko; beste behin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna