HITZ ETZANAK

Lagun

Andoni Egaña -

2019ko maiatzak 10

Jendaurrean dabilen pertsona bazara, oso ezaguna, zure irudia zuritu eta jendearen atxikimendua lortzeko modurik eraginkorrena zein den egunotan nabarmendu da ederki. Utik aholkulari pertsonalak! Utik sare sozialetan nahieran kokatuko zaituzten espezialistak! Utik aldez aurretik adosturiko elkarrizketak egingo dizkizuten kazetariak!

Behar bezalako bihotzeko bat jasatea da bat-batean eta guztien bihotzeko bihur zaitezen modurik azkarrena. Erietxean zaudela hasiko zaizkizu lehen beti gaizki-esaka ari zirenen animo mezurik hunkigarrienak iristen, nor baino nor adiskideago. Berdin du futbol-atezaina zaren edo politikari izar. Badakit horrelakoetan gutxieneko gizalegeak inor ez iraintzea eta lehenez gainera ez mintzea eskatzen duela. Baina batzuk pasa egiten dira eta isilik baino hobeto sumatzen dute euren burua aldeko uholde mezuen taldera erantsia. Nonbait, jendearen zer esangoak mugiarazten dizkie zangoak!

«Bihotzeko» idatzi dut lehen, eta badakit esamolde hori otordu aurretik aitaren egitea baino zaharkituagoa geratu dela. Xehatu egin behar da, iktusa, enbolia, arritmia... edo dena delakoa. Horregatik, jendaurrekoak medikua behar du ondoan. Bizirik irten, etsaiustekoak zeinen lagun zituen jabetu, eta goza dezan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna