HITZ ETZANAK

Andoni

Andoni Egaña -

2019ko maiatzak 17
Txorakeria dirudi, baina umetan banuen kezka «handitan» nire izenak inguruan sor zezakeen jarrerari buruzkoa. Umeren bat edo beste ezagutzen nuen izen berekoa, baina nagusi bakar bat ere ez. Pertsona helduari zegokion izentzat ez nuen jotzen nirea. Barregarri geratu behar nuen urteak bete ahala...

Oinarri handirik gabeko beldur horiek uxatuz joan ziren gero, berez, ahaleginik egin gabe. Oso ezagun egin ziren Zubizarreta futbol-atezaina, Ferreño telebista aurkezlea, Luis Aduriz sukaldaria eta beste zenbait. Helduaroan, izenagatik behintzat, disimuluan pasatzeko moduan nengoela jabetu nintzen.

Hauteskunde kanpaina hau heldu den arte. Rajoyren neskatila entzutetsu haren pareko sentitu dut neure burua. Sustoa hartzen dut, nire izena ahotik ahora baitabil, denak Andoni gora eta Andoni behera. Handia egin du Bizkaiko ahaldun nagusiak Barakaldoko arrain-saltzaile tokaioa aipatu duen eran aipatzean! Ongi dago langile fina izatea, eta bi aldiz pentsatu gabe lanari heltzea eta bizimodua nola edo hala ateratzen ahalegintzea. Hain ongi ez dagoena da hori derrigor egin beharra nolabait bizitzekotan. Eta agintariek, norbanakoaren lanerako grina txalotu baino gehiago egin behar dutena da, horrelakorik gerta ez dadin baldintzak ipini.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna