Albistea entzun
Emakumeen aurkako indarkeriari ez
Emakumeen aurkako indarkeriari ez

HITZ ETZANAK

Santu-santak

Andoni Egaña -

2022ko irailak 30

San Migel eguna joan da. Bestelako aro batean sartu gara. Jairik jai lan egiten dugunok mugarritzat daukagu. Sanmigelak joatean hasten da gure agenda soilguneak azaltzen. Eta ez da oraingo eta bizimodu jakin baten kontua bakarrik. Garai batean alderantzizkoa gertatzen zitzaien basomutilei. Haiek lan gutxiago egiteko aukera izaten omen zuten maiatzeko santakrutzetatik iraileko santakrutzetara, hilabete horietan siestarako eskubidea onartzen baitzitzaien, eguerdi osteko eguzki galdatan lanean aritzea galgarri ere bazela eta.

Jaiez eta santu-santez pandemiak pare bat kontu erakutsi dizkigu. Bata da egutegian sona handiko santuen inguruan egokitzeak ez dakarrela onik. Sanferminik ez zela ospatuko iragartzearekin batera jausi dira sanjoanak, sanpelaioak, sanpedroak, sanmartzialak, sanbalentinak, karmenak, madalenak... Santu ospetsuetatik urrunago dabiltzan santu-santek zirrikituren bat errazago topatu ahal izan dute jaiak burutzeko.

Bestea, jai zaleek eta jai zale ez direnek desberdin zenbatzeko ohitura dutela. «Hiru urte santixabelik gabe», botako du festazaleak. «Bi urte», erantzungo dio festazale ez denak. «Baina hiru dira egin ez direla». «Baina bat lehen ere ematen zen, berez». Eta eztabaida amaiezinean segituko dute...

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...