HITZ ETZANAK

Eskuak

Andoni Egaña -

2019ko apirilak 3
Asmakizun gisara ere jar daiteke: zer da, laurogei urte dituzten gizonezkoak hirurogeirekin eta bi eskurekin hartzen hasi zirena; hirurogei dituztenek hogeita hamarrekin esku bakarraz eta orain bi eskuz gidatzen dutena; eta hogeita hamar dituztenek, zuzenean bi eskuz hartzen dutena? Erantzuna: ume-kotxea.

Huskeria diruditenek esanahi handia izaten dute askotan. Orain laurogei urte dituen gizonezkoak ez zuen, salbuespenak salbuespen, seme-alaben ume-kotxerik hartu ere egiten. Hirurogeirekin hasi zen, bilobak izan zituenean. Eta orduan, bi eskuz heldu zion, konplexuak galduta zegoelako eta ez zelako bere buruaz gehiegi fio. Orain hirurogei urte dituen gizonezkoak hogeita hamarrekin heldu zion seme-alaben kotxeari. Baina aski berria zen kontua, eta esku bakarraz gidatzen zuen, ezaxola plantak eginez, lan nimiño hartarako ahalmena sobera zuela adierazi nahian edo berari maiz ez zegokion lan hartan behin-behinekoa zela azaltzeko asmoz. Orain baditu hirurogei urte eta bi eskuz heltzen dio, badaezpada, umeak, izan ere, ez baitira bereak. Orain hogeita hamar dituztenak bi eskuz eta sarri aritzen dira umea paseatzen...

Guraso baimen guztiak hamasei asteko bihurtu nahi ditu Jaurlaritzak udazken honetarako. Balkoiko behatzaile hau bat dator.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna