Albistea entzun

EKOGRAFIAK

Terapian

Lander Arretxea -

2022ko urtarrilak 26

Ez dakit noiz gertatu den. Pandemia izan den, heziketa metodo berriagoen ezarpena, Interneteko sare sozialetako influentzerren eragina, edo besterik gabe, adinean gora egin ahala aurkitu garen batzuk lehenago susmatu ere egiten ez genuen egia gordinarekin. Kausa edozein dela ere, askok konpartitzen dugu sentipena: gero eta jende gehiago doa terapiara. Edo agerikoagoa dena: psikologoarenera joateak tabu izateari utzi dio, lagunartean zein publikoki konpartitzeko zerbait izateko.

Twitterren hari luzeak egiten dira gaiaz, telebistako tertulietan hizpide da noiznahi, Antton Telleriak bizpahiru minutu eskaintzen dizkio bere stand-up show-ean eta eliteko kirolari bapobilotsuenek ere psikologoarekin egindako lanketaren garrantzia aitortzen dute.

Pozgarria da edo ez, nondik begiratzen den: den-denok psikologora joan eta gure sosak buru osasunean xahutzeko —inbertitzeko?— premia izatea aurrerapausotzat jo daiteke? Zenbat du horrek produktibo izaten jarraitzeko premiatik? Baina gertatu da, eta ziur asko, onura nabarmenak ditu, bai behintzat geure buruari laguntza behar dugula aitortzeko pausoa ematen lagundu badigu horrek.

Telebistara etorrita, gero eta ohikoagoak dira psikologoarekin hitz-aspertuak erakusten dituzten film eta telesailak. Badu zentzua: espazio gutxitan sortzen da hain sakon eta hainbeste xehetasunekin hitz egiteko bide ematen duen elkarrizketa bat, tentsio maila hori duena, eta baimentzen diona pertsonaiari gertakizun bat hasieratik amaierara azaltzea, bere kontraesan eta gatazkak azaleraziz. Telesail batzuek helduleku bakar gisa ere hartu dute: zenbait herrialdetan garatu den In treatment-ek —jatorrizkoa israeldarra da—, adibidez. Terapiak fikzioan izan dezakeen indarra frogatu zuen telesaila Los Soprano maisulana da. Bestela ilunegia eta misteriotsuegia litzakeen protagonista batekin enpatizatzeko baliabide fina da bertan, beste dimentsio bat ematen diona errelatoari. Hogeita bi urte joan dira fikzioa sortu zenetik eta gainera, inor gutxik ikusi zuen hemen emisioek agindutako erritmoan. Baina pentsatu nahi dut telesail amerikarra ere badela terapia normalizatu duen gertakizun segidako katebegi: Tony Soprano mafiako burua psikologoarenera joaten bada, zergatik ez zara joango zu?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Emakume bat, Bilboko Konpartsek, atzo, Bilboko Plaza Barrian antolatutako Kapela Egunean. ©ARITZ LOIOLA / FOKU

Bilbok buruan darabilena

Iñigo Astiz

Aste Nagusia hasteko ehun egun baino gutxiago falta direla gogoratzeko Kapela Eguna antolatu dute Bilboko Konpartsek, eta atzerako kontagailu bat ere jarri dute Plaza Barrian.
 ©JAIZKI FONTANEDA / FOKU

«Herriaren ondarea da auzolana, gizartea osasuntsuagoa izan dadin aberasgarria»

Amaia Ramirez de Okariz Kortabarria

Mozambiketik bueltan erabaki zuen Gabilondok gertuko zuen Garaioneko proiektua berriz hartzea. Sorkuntza, ondare soziala eta natura ditu ardatz, baina baita euskara eta feminismoa ere, zuzenki aipatu ez arren «halabeharrez» egon behar dutelako hor.
Svenja Jung aktoreak bi rol jokatzen ditu telesailean: bi ahizpa biki protagonistena egiten du. ©COSMO

Cosmo kateak 'Der Palast' telesaila emango du bihartik aurrera

Urtzi Urkizu

Alemanian 6,23 milioi ikus-entzule izan ditu (%20,1). Crossover jaialdian lehen atala eman zuten

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...