Albistea entzun

EKOGRAFIAK

Goñi II.a

Lander Arretxea -

2022ko urtarrilak 28

Ohiturak —onak zein txarrak— apurtzeko daude. Horren zain. Pentsatu eta erabaki beharretik salbuesten gaituzte, baina trukean, errepikapenak soilik justifikatzen dituen errutina zentzugabea bihur daitezke. Ni, esaterako, ahalegindu ohi naiz telebistako saio bat modu jarraitu samarrean ez aipatzen. Gaurkoak, ordea, salbuespena merezi du. Abiapuntua saioaren bigarren atala izan da amaitzear den aste honetakoa. Oraindik ikusi duenik ez bada, azalduko diot kontzeptua: sei gazte ari dira, saioz saio, beren kontraesanak kolokan jarriko dituzten pertsonak ezagutzen.

Bigarren atalean, bazterketa egoeran daudenekin egin dute solasaldia: kalean bizi direnekin, kartzelan daudenekin edo janari bila jantoki sozialetara jotzen dutenekin.

Ariketak jarraitzen du interesgarria izaten, diskurtso handi eta tragikoak baino eraginkorragoa baita gordintasun hori gazte «arruntago» batzuen begietatik ikustea. Gehiago edo gutxiago, gehienok jokatzen dugu nolabaiteko apatiaz kale-bazterrean dauden horiekin. Hori bai, kontrastea nahikoa sendoa eta nabarmena izan dadin, euskal gazteriaren batezbestekoa baino zuriago eta aratzagoa den gazte multzoa hautatu behar izan dute.

Saioa berriro hizpide hartzera eraman nauena elkarrizketatu duten kide jakin bat da, ordea, eta ez edonor. Gauza jakina da Mikel Goñi pilotari ohia kartzelan izan dela azken urteotan, eta hirugarren graduan atera berritan, bere lehen berragerpen telebisiboa egin du Abiapuntua saioan. Horri esker dakigu kartzelako egonalditik osorik atera dela, ez duela galdu kirolerako eta solaserako grina eta gaitasuna.

Pozgarria iruditu zaidana beste hau da, ordea: bere bizipenak konpartitzeko prest dago oraindik, eta, beraz, bere ibilbidea ulertzeko aukera ez dago itxita erabat. Titular, lagunarteko solasaldi eta telebista tertulia asko bete ditu Goñik. Hark baino ez daki zenbateraino izan den zamatsua pertsonaia horrekin eta besteok botatako su guztiarekin elkarbizitzea. Baina arakatzeko dagoena ez da soilik Goñiren bizitza. Haren joan-etorrien erretratua egitea (anti)heroi gatazkatsu horren figura hanpatu zuen industriari eta espektakuluaz gozatu zuen gizarteari begira jartzeko modua ere bada. Mikel epaitu zuten, baina beste den-denak, osorik eta garbi atera gara hartatik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©RAUL BOGAJO / FOKU

«Ingurukoei maite ditudala esateko modua da poesia»

Unai Etxenausia

Zorione Erezuma olerkigileari barren-barrenetik ateratzen zaio poesia idaztea. Bere olerki ikuskizunak «meditazio bidaia mistiko» moduan definitzen ditu.
Haurrak eta Hazi eta Ikasiko boluntarioa eskolako lanak egiten, Morlanseko lokalean. ©GORKA RUBIO / FOKU

Irakasle, konplize eta bidelagun

Jakes Goikoetxea

Donostiako Hazi eta Ikasi elkarteak eskolako lanak egiten eta ikasten laguntzen die zailtasunak dituzten familietako haurrei. Haurren itxaron zerrenda luzea dute, baina boluntarioak falta dituzte, boluntario euskaldunak.

Iñaki Zarraoa, Alberto Surio, Josu Ortuondo, Maite Iturbe, Jose Maria Gorordo eta Andoni Ortuzar EITBko zuzendari nagusi ohiak eta Andoni Aldekoa gaur egungo zuzendari nagusia, atzo, Bilbon. ©MARISOL RAMIREZ / FOKU

Aldekoak esan du EITBk datozen aldaketei aurre egin behar diela

Urtzi Urkizu

EITBren 40. urteurreneko ekitaldia egin dute, Bilbon. Politika, kultura, gizartea eta ekonomia arloetako 300 gonbidatu inguru bertaratu dira

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...