Albistea entzun

EKOGRAFIAK

'L' hizkia

Amaia Garcia -

2021eko urriak 14

LGTBIQ+ hizkien artean L hizkiak telesailetan presentzia gutxi eduki du. Lesbianak diskriminazio bikoitza dugu: alde batetik, homosexualak izateagatik, eta, bestetik, emakume izateagatik. 2000ko hamarkadan lesbianentzat erreferentzia oso gutxi zeuden. Alde batetik, Ellen DeGeneresen talk show-a zegoen, baina L hizkiari ikusgarritasuna The L Word telesailak eman zion, 2004. urtetik 2009. urtera. Nire belaunaldiko lesbiana orok telesail hori ikusi dugu; nik, esaterako, Youtuben aurkitu nuen telesaila, eta kazetaritza Bilbon ikasi nuen bitartean pisukideekin ikusi nuen.

Hamar urte baino gehiago pasatu ondoren, telesail horren reboot-a ikusgai dugu Movistar Plusen. Telesailaren izena aldatu da baita ere, The L Word Generation Q deitzen da orain. L hizkiari garrantzia kendu gabe queer komunitateak indarra hartu du telesail berrian. Shane, Bette eta Alice, telesail originaleko pertsonaiak, bertsio berrian daude, eta lehen denboraldian belaunaldiaren desberdintasunak agerian geratu ziren. Abuztutik ikusgai dugu bigarren denboraldia, eta bertako trama berriak lehenengo denboraldikoak baino interes handiagoa pizten ari dira. Telesail berriaz ez dut hainbeste hitz egin nahi, eta telesail originalaren fenomenoa goraipatu nahiko nuke. Bere garaian lesbianen inguruko estereotipo asko apurtu zituen telesailak. Emakume haiek goi klasekoak ziren, eta emakume lesbianak izan nahi duguna izan ginatekeela erakutsi nahi zuen. Gai oso berritzaileak jorratu zituen bere garaian, eta transexualitateari tartea ere eman zitzaion. Bertan, gizon trans bat haurdun ikusi genuen, esaterako. Emakume lesbianak txortan ikusi genituen telesail horretan, eta lehen aldia zen horrelako eszenak pantaila txikian ikusten genituela. Protagonisten ardurak aniztasun handikoak ziren, baina buruko osasunaren inguruan asko hitz egiten zen, batez ere Jenny Schecterren pertsonaiaren buruko gaitzaren ondorioz.

Kultuko telesaila izan da The L Word, baina telesail berriak ez du telesail originalaren arrakasta bera eduki. Gaur egun, emakumeen arteko maitasun istorio gehiago ikusteko aukera dugu, eta, agian, horregatik telesailak ez du harrabots handirik sortu. Horrek ez du esan nahi emakume lesbianen presentzia berdindu denik, eta horrelako fikzioak beharrezkoak dira ikusgarritasuna lortzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Protesta eginez gero, erbestea, kartzela edo heriotza dira aukerak»

Amaia Ramirez de Okariz Kortabarria

Nikaraguarren giza eskubideen alde buru-belarri ari da lanean Flores, 2018ko apirilean hasi zen «basakeriaren» osteko jazarpenak salatzen. Horri buruz aritzeko hitzaldi bat emango du Gasteizen.
. Borda Berri jatetxeak (Otogoien, Araba) irabazi du aurten Euskal Herriko Pintxo Lehiaketa. Mitxel Suarez sukaldariak egin du <em>Txingurri</em> pintxoa. jaizki fontaneda / foku ©JAIZKI FONTANEDA / @FOKU

Txapela, Arabako patatarentzat

Amaia Ramirez de Okariz Kortabarria

Otogoiengo Borda Berri erretegiko Mitxel Suarez sukaldariak eginiko 'Txingurri' pintxoak lortu du aurten Euskal Herriko Pintxo Txapelketako txapela. Gasteizko Kea jatetxeak eskuratu du bigarren postua, eta Bilboko La Pizarrak hirugarrena. Epaimahaiak adierazi du hautaketa «zaila» izan dela.

 ©JAIZKI FONTANEDA / FOKU

«Amak beti zioen lan eginez gero saria izango nuela, eta arrazoi zuen»

A. Ramirez de Okariz Kortabarria

Borda Berri jatetxeko Suarez sukaldaria izan da aurtengo Euskal Herriko Pintxo Lehiaketako irabazlea. Azaldu du «gogorrak» izan direla egun hauek, baina parte hartzaileen arteko laguntasuna nabarmendu du.
Begoña del Teso zinema kritikaria eta kazetaria. ©ANDONI CANELLADA / FOKU

Del Tesoren, Beriainen eta Fraileren lanak saritu dituzte

Uxue Rey Gorraiz

Begoña del Tesok zinema arloan egindako lana goraipatu dute Euskal Kazetarien Elkarteak eta Kazetarien Euskal Elkargoak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.