Albistea entzun

EKOGRAFIAK

Nerabezaro lapurtua

Amaia Garcia -

2022ko maiatzak 10

Elite (Netflix) telesailak adikzioa sortzen dit. Telesaila hasi zenetik, kapitulu guztiak betekada batean ikusi ditut. Telesailak kritikatzeko gauza asko dituen arren, lehen atala hastean, azkenera arte dena ikusiko dudala badakit. Duela hilabete atera zen bosgarren denboraldiarekin ez zait berdin gertatu. Formatua berriro ere errepikatu dute, eta agian horregatik, desintoxikatzeko aukera eduki dut denboraldi honetan.

Azken denboraldia asko kritikatu da pertsonaiak hipersexualizatuak daudelako, baina kritika egiteko gauza gehiago ditu. Bifobia eta homofobia erakutsi nahi izan dizkigu futbolari baten tramarekin. Istorio horrek interes txikia piztu dit, eta bifobia gehiago sortzeko balio izan duela esan daiteke. Horrez gain, arrazismoa jorratu nahi izan dute berriz ere. Horretarako, estereotipoz betetako gazte baten istorioa kontatu dute. Arrazismoari kritika egitea bazen haien helburua, bide okerrena hartu dute hori egiteko.

Telesailean sortzen diren bikote guztiek harreman nahiko toxikoak dituzte, eta askok gaizki amaitzen dute, baina atentzioa eman dit heterosexualak ez diren bikoteek gaizki amaitu dutela. Aldiz, heterosexualen etorkizuna hobeagoa izan da kasu batzuetan.

Argi dago Élite-k ez duela nerabeen errealitatea islatzen, eta are gutxiago LGTBIQ+ kolektiboarena. Homosexualitatea nerabezaroan nola bizitzen den hobeto erakusten duen telesaila Heartstopper (Netflix) da. Hartan, homosexuala izateagatik nerabezaroan pasatzen diren zalantzak, depresioak eta bazterkeria erakusten dira, eta telesail horrek Élite-k baino gehiago erakarri nau azken asteetan.

Heartstopper telesailean nerabezaro lapurtua erakusten da. Duela gutxi konturatu naiz zer den nerabezaro lapurtua bizitzea, eta telesail horretako pertsonaia nagusiek modu oso egokian erakusten dute. LGTBIQ+ komunitatean, telesail horrek arrakasta handia izan du eta ez da harritzekoa. Komunitateko askok nerabezaroa oso gaizki gogoratzen dugu. Gure identitatea sortzen den une horretan galdera gehiegi ditugu buruan, eta poztasun gutxi. Horrelako telesailek nerabeen errealitatea hobeto erakusten dute; Élite-ko istorioek, aldiz, zientzia fikziozkoak dirudite. Netflixen sartzean aukera egitea besterik ez duzue, nire apustua argi dago.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nerea Reparaz eta Joseba Olagarai ©EITB

Nerea Reparazek eta Joseba Olagaraik aurkeztuko dute entzierroen saioa ETB1en

Urtzi Urkizu

Euskarazko kateak sanferminetako entzierro guztiak emango ditu, zuzenean.

Oihanederreko kideek azken emanaldia egin zuten atzo. ©JAIZKI FONTANEDA / FOKU

Oihanederren azken dantza

Unai Etxenausia

Gasteizko Oihaneder Euskararen Etxea proiektuko kideek azken emanaldia antolatu dute, Falerina lorategian. Liher eta Lukiek rock taldeak gonbidatu dituzte azken agurra egiteko.
Errotxapea
1 ©JOSEBA AURKENERENA / EZEZAGUNA

Dantzaren zazpi jauziak

Ainize Madariaga

Hamaika aldaera eta izen izanik ere, egitura bat eta bera da. Galzorian izan zena partez berreskuratu zuten, estandarizatu eta demokratizatu. Dantza horrek euskalduna euskaldunago egin dezake.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...