Albistea entzun

EKOGRAFIAK

Leihoa ireki

Amaia Garcia -

2022ko azaroak 24

Kazetaritza ikasi nuenean albistea identifikatzeko eskola batzuk jaso nituen. Umorez gogoratzen dut irakasle baten lezioa: «Euria ari dela esatea ez da albistea». Euria ari dela jakiteko leihoa irekitzearekin nahikoa dela esan zigun. Horretan arrazoi guztia eman genion, baina eguraldiaren iragarpena ezagutzeko beharra azpimarratu genion. Eztabaida hori izan genuen bitartean, irakasleak albistegi eta magazin askotan ikusi ditugun irudiak jarri zizkigun, eta eguraldiaren inguruko albisteak nola ematen ziren aztertu genuen. Kazetari batzuek euripean edo elurpean ematen dituzte albiste horiek, eta askotan beren bizitza arriskuan jartzen dute zerutik datorren hori zer den azaltzeko. Euria, elurra edota olatu handiak daudela jakinarazteko modu asko daude, baina telebistan ikuskizuna bilatzen da horrelako informazioa ematen denean.

Klima aldaketaren ondorioz eguraldiaren aldaketaren inguruko berri asko ikusi ditugu azken boladan. Mundua berotzen ari da. Uda honetan bero handia pairatzeaz gain, lehortearen arriskua ikusi dugu euskal urtegietan. Horregatik, azken egunetako euri zaparradak asko eskertzen ari dira. Eguraldiak garrantzi handia hartu du azken urteetan, baina kontatzeko modua ez da aldatu.

Udazkenean eta neguan ikusgarriak diren fenomeno asko gertatuko dira: haizete handiak, elurra, euriteak eta itsasoan olatu handiak aurkituko ditugu. Fenomeno horiek urtero gertatzen dira. Urtero bezala, elurra eta euriteen azpian ikusiko ditugu kazetariak. Bitartean, ikusleok goxo-goxo egongo gara etxean.

Euri eta haizeteen itzulerarekin, unibertsitateko eskola horiekin asko gogoratu naiz. Hamar urte baino gehiago pasatu dira eskola haietatik, eta albisteak egiteko modua ez da asko aldatu. Berriro ere galdera berdinak etorri zaizkit burura: zein puntutaraino jarri behar dira kazetariak eguraldi baldintza txarretan? Albistea gertutik kontatu behar dela badakigu, baina non dago muga?

Ikuskizuna hastear dago. Zorte ona opa diet hotza, hezetasuna eta arriskua pairatu beharko duten kazetariei. Besteok etxeko sofan egongo gara eta bi aukera izango ditugu kalean zein eguraldi egiten duen jakiteko: telebistako ikuskizuna ikusi edo etxeko leihoa ireki. Ni bigarren aukerarekin geratuko naiz, eta zu?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altsasun Momotxorroak aterako dira otsailaren 21ean. ©RAUL BOGAJO / FOKU

Baina noiz dira aurten inauteriak?

Edu Lartzanguren

Goiztiarrenak hasita daude, eta azken Maskarada saioa apirilaren 22an egingo dute, Maulen. 'Dantzan.eus' webguneak 2023ko inauterien egutegia paratu du.

Joel Diaz aurkezle eta umorista ©Vilaweb

TV3eko ‘Zona Franca’ kolokan da, aurkezleak saioa utzi eta gero

Urtzi Urkizu

Joel Diaz aurkezleak ez ezik, Magi Garcia umoristak ere laga du saioa. Egunotan ez dira saioa ematen ari. CUPek TV3eko zuzendariaren dimisioa eskatu du.

 ©JAGOBA MANTEROLA / FOKU

«Donostian inauteriak San Sebastian egunean hasten ziren»

Amaia Jimenez Larrea

XIX. mendean Donostiako inauteriak nolakoak ziren azaltzen duen liburu bat atera du Juan Antonio Anterok. 16 urte zituenean izan zuen lehen harremana inauteriekin, eta geroztik ez ditu alde batera utzi.
Inauterietako eguna ospatu dute Iturenen

Udaberriak ekarri duen soinua

Itsaso Jauregi

Inauterietako eguna ospatu dute Iturenen, eta joaldunek eta mozorroek hartu dituzte herriko kaleak. Tradizioari jarraituz, zubietarren eta aurtiztarren joareak elkartu ziren atzo; gaur, iturendarrek bisita itzuliko diete.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...