Gasteizen eta Madrilen arteko «sintonia ona»

Berria -

2018ko uztailak 12
Eusko Jaurlaritzako bozeramaile Josu Erkorekak esan duenez, harreman onak dituzte Espainiako Gobernuarekin, «hitzei dagokienez behintzat», eta «sintonia handia» dago bi gobernuen artean, baina hori «emaitza zehatz eta eraginkorretan» gauzatzea espero du. Horretarako lehenengo urrats gisa, berriro ere eskatu du ken ditzatela Mariano Rajoyren gobernuak Espainiako Auzitegi Konstituzionalean euskal lege batzuen kontra aurkezturiko helegiteak.

«Arrazoi aski eta sobera daude [Espainiako] Gobernuak idazkia aurkez dezan helegite horiei ez diela eusten adierazteko», esan du Erkorekak.

PPk Araban, Bizkaian eta Gipuzkoan duen idazkari nagusi Amaia Fernandezek, aldiz, uste du helegiteak bertan behera uzteak ekarriko lukeela «Eusko Legebiltzarra legetik at dagoela onartzea».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna