Diputatu presoei kargua eteteko aukera, aztergai

Kataluniako Ara egunkariak atzo argitaratu zuenez, Espainiako Kongresuko abokatuak aztertzen ari dira preso dituzten diputatu eta senatari independentistei kargua eteteko aukera, Kongresua eta Senatua osatu ondoren. Oriol Junqueras (ERC), Josep Rull, Jordi Turull eta Jordi Sanchez (JxC) dira diputatu horiek, eta Raul Romeva (ERC), berriz, senataria. Egunkari horrek dioenez, ez dute argi erabakia nork hartu beharko lukeen. Diputatuei kargua etengo baliete, Pedro Sanchezek ez luke independentisten botorik beharko presidente izenda dezaten.