Albistea entzun

Martxoak 8: greba feminista

Gipuzkoa. Ikasleak, etorkizun parekidearen bidean greban

Milaka ikaslek hartu dute parte greba feministan, eta haien tokia nabarmena izan da mobilizazioetan. Botere harremanek hezkuntzan isla dutela salatu dute grebalariek. Bideoak albiste amaieran.

Ehunka ikaslek parte hartu zuten greban, hezkuntzako «zapalkuntzak» salatzeko.
Ehunka ikaslek parte hartu zuten greban, hezkuntzako «zapalkuntzak» salatzeko. JUAN HERRERO / EFE Tamaina handiagoan ikusi

Jon Ander De la Hoz -

2018ko martxoak 9 - Donostia

M8 emakumeok planto! leloa zuen atzo EHUren Donostiako campuseko Carlos Santamaria eraikineko horma batek. Bistakoa zen planto hori inguruan; ehunka ikasle 11:00ak noiz joko zain zeuden, Bulebarreko eserialdira abiatzeko. Grebaren ardatzetako bat izan da ikasleena, eta nabaritu zen hori atzo Gipuzkoan. Greba egin zutenen artean, Miren Paredes: «Patriarkatuari eusten dion oinarrietako bat da hezkuntza sistema, eta hori aldatu egin behar dugu».

Xingola, puxika eta besoko moreak soinean zituztela sartu ziren ikasleak Tolosa hiribidean barrena, eta haiei ehunka lagun batu zitzaizkien Bulebarrerako bidean. Talde handietan zihoazen ikasleak: «Planto egin dugu, hezkuntza eredu honek merkatura bideratzen gaituelako». Horrez gain, azpimarratu zuten sistema «kapitalista, heterosexual eta kolonialaren barruan» dagoen erakundea dela unibertsitatea, eta sistema horretan dauden botere harremanak islatzen direla bertan. Alabaina, talde horren ustetan, greba egiteko aukera izatea pribilegioa izan da: «Badakigu edozeinek ezin duela greba egin; eguneko soldata bizitzeko ezinbesteko dutenek, adibidez».

Greba feministarekin bat egin zuen Josune Lejarragak. Duela hiru urte amaitu zituen unibertsitateko ikasketak, baina campusera gerturatu zen lagunekin. Ikasle izan zen artean emakumeak «bigarren mailan» daudela nabaritu zuen: «Ikastolan emakumeak nituen irakasle gehienak; unibertsitatean, gizonezkoak. Lanbide askotan bezala, soldatak ere ez dira berdinak izango». Lejarragak azaldu zuen apurka pausoak ematen ari direla EHUn, baina oso azaleko aldaketak direla: «Egungo desoreka aldatzen ez den bitartean, nekez lortuko dugu berdintasuna hezkuntza sisteman». Halere, gogorarazi zuen EHUko errektorea emakumea dela, eta txalotu egin zuen Nekane Balluerkak grebarekin bat egin izana.

«Ikasle eta emakume gisa» greba egiteko hamaika arrazoi dituela adierazi zuen Lucia Erdoziak. Haren esanetan, greba deialdiaren lau zutabeak ikasketak, zaintza lanak, produkzioa eta kontsumoa lotuta daude. Zaintza jarri zuen horren adibide; zaintza lanetan emakumeak aritzen direla oro har, eta horregatik ikasketak utzi behar izaten dituztela askok: «Hori ez al da botere harremanen adibide? Gizonezkoen pribilegioen adibide garbia da hori».

Herrietan ere, planto

Donostian ez ezik, Gipuzkoako beste herri askotan ere jarraipen zabala izan dute Martxoaren 8ko mobilizazioek. Hainbat herritan antolatu zituzten greba feministarekin eta emakumeen nazioarteko egunarekin lotutako ekinbideak. Horien artean, bereziki jendetsuak izan ziren Arrasate, Azpeitia, Eibar, Irun eta Zarauzko elkarretaratzeak. Udaletxeko plazan bildu ziren ehunka emakume azpeitiar, kartulina moreak eskuetan zituztela mosaiko bat irudikatuz. M8 eta emakumeen ikurra irudikatu zituzten kartulinekin.

Jendetza bildu zen Eibarko Untzaga plazan ere, eta 400 laguneko pikete informatiboa ibili zen kaleetan zehar. Haietako 30 El Corte Ingles saltokiaren barruan geratu ziren irten ezinda, dendako zuzendaritzak pertsiana jaitsi zuelako. Lekukoen arabera, segurtasun zaindariek indarra erabili zuten haietako batzuen aurka; Ertzaintzak piketeko bi lagun identifikatu zituen.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

«Euskarak izan behar du hezkuntza sistemako hizkuntza normalizatua»

«Euskarak izan behar du hezkuntza sistemako hizkuntza normalizatua»

Imanol Magro Eizmendi - Arantxa Iraola

Euskalgintzako eta kulturgintzako pertsona ezagunak batu ditu Euskalgintzaren Kontseiluak eta aldarrikatu dute euskara eta euskal kultura ardatz izan behar dituela Araba, Bizkai eta Gipuzkoarako ontzen ari diren Hezkuntza Legeak

Eusk Jaurlaritzak, foru aldundiek eta Bilbo, Donostia eta Gasteizko Udalek Euskararen Eguna ospatu dute Gasteizen ©Irekia

Euskararen alde adostasunak josteko aldarria, aho batez

Edurne Begiristain

Euskararen Nazioarteko Eguna da gaur, eta hura ospatzeko ekitaldi eta adierazpen ugari egin dituzte instituzioek, alderdiek eta eragileek. Eusko Jaurlaritzak, foru aldundiek eta Bilbo, Donostia eta Gasteizko alkateek duela 40 urte Euskararen Legeak lortutako adostasuna goratu dute. EH Bilduk esan du euskararen alde «adostasun berriak» eraikitzeko unea dela.

Euskal Hedabideen emankizuna, goizean, Baionan. ©Kanaldude

Euskalgintzaren prekaritateari aurre egitea «zaila» izanen da energiaren kariotze garaian, Kurutxarriren ustez

Oihana Teyseyre Koskarat

Ipar Euskal Herriko Euskal Hedabideek emankizun berezia egin dute goizean, Baionan. Euskaraldiaren biharamunean, bilana egin dute, eta euskalgintzaren prekaritatea ere izan dute aipagai.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.