Albistea entzun

Macronen komunikazio zuzendariak kargua utziko du

Ander Perez Zala -

2019ko urtarrilak 4

Dimisioekin hasi du urte berria Emmanuel Macron Frantziako presidenteak. Ez dira gobernuko kargu garrantzitsuenetan izan, baina agerian utzi dute presidentea ahulduta dagoela eta haren ingurukoen konfiantza galdu duela. Oraingoan, entzutetsuena Macronen komunikazio zuzendariaren erabakia izan da: hilabetea amaitu baino lehen utziko du kargua Sylvain Fortek.

2016ko apirilean sartu zen Macronen taldean, 2017ko presidentetzarako hauteskundeei begira lan egiteko. Garaipenaren ostean, Frantziako presidentearen diskurtsoak idazteaz arduratu zen, iazko udara arte: Benalla auziaren ondorioz, Macronek aldaketa batzuk egin zituen gobernuan, eta Fort komunikazio zuzendari izendatu zuen.

«Bi urte eta erdi hautagaiaren eta presidentearen alde lan egin ostean, beste proiektu pertsonal eta profesional batzuetara bideratu nahi dut neure burua, eta, batez ere, denbora gehiago eskaini nire familiari», jakinarazi zuen atzo. Gaineratu zuenez, «duela aste batzuk» eman zion erabakiaren berri Macroni.

Ez da bakarra izango

Komunikazio zuzendariaren dimisioari beste hainbat aldaketa gehitu behar zaizkio, balizkoak zein ofizial egindakoak. Gobernuak atzo jakinarazi zuen Barbara Frugier nazioarterako komunikazio kontseilariak bere kargua utziko duela; kasu horretan, aurreikusitako erabakia izan da. Ez da bakarra izango: Ahlem Gharbi Afrikako eta Ekialde Hurbileko kontseilariak ere utzi du gobernua.

Eliseoak jakinarazi dituen aldaketa horiek, beraz, datozen asteotan etor daitezkeenen aurrekariak izan daitezke. Izan ere, Europe 1 irratiak dioenez, Ismael Emelien Macronen kontseilari bereziak «hainbatetan» eskatu du gobernua uztea. Ikusteko dago zer egingo duen, ikerketapean baitago ustez zaintza kameren irudiak gordetzeagatik eta zabaltzeagatik —Benalla auziarekin zerikusia duten irudiak—. Arazo judizialak ere izan litzake Alexis Kohler Eliseoko idazkari nagusiak, interes gatazkengatik. Horiek horrela, bien dimisioa ikerketen emaitzen araberakoa izango da.

Urte eta erdiko agintaldian, Macronen zazpi ministrok dimititu dute, eta nabarmen ahuldu haren autoritatea: Gerard Collomb Barne ministroak; Laura Flessel Kiroletakoak, Nicolas Hulot Trantsizio Ekologikorakoak, François Bayrou Justiziakoak, Marielle de Sarnez Europar Gaietakoak, Sylvie Goulard Armadetakoak eta Richard Ferrand Lurraldeen Kohesiokoak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Esteron ibaiaren ibarreko tarte lehortu bat, Niza hiritik gertu (Okzitania), uztailaren amaieran. ©SEBASTIEN NOGIER / EFE

Europan azken bostehun urteetako lehorterik handiena espero dute

Gorka Berasategi Otamendi

Kontinentearen erdialdeko eta mendebaldeko estatuak ezohiko bero boladak eta lehorteak ari dira pairatzen, klima larrialdiagatik. Suteek berotegi gas asko isuri dute zenbait herrialdetan

Salman Rushdie idazlea, 2019ko azaroaren 11n, Berlinen. ©HAYOUNG JEON / EFE
Monusco Nazio Batuen Kongoko Errepublika Demokratikorako misioaren kontrako protestetan hildako herritar baten hileta, aurreko astean. ©STR / EFE

Odolak mendekua nahi du

Oskar Epelde Juldain

Egunotan dozenaka lagun hil dira NBEren Kongorako misioaren kontrako protestetan. Milizianoen erasoen aurrean ezer ez egitea egozten diete kasko urdinei.

FBIko bi agente Donald Trumpen Mar-a-Lago etxearen atarian (Palm Beach, Florida), joan den asteartean. ©CRISTOBAL HERRERA-ULAXKEVITX, EFE

FBIk sekretupeko dokumentuak eraman ditu Trumpen Mar-a-Lago etxetik

Gorka Berasategi Otamendi

AEBetako presidente ohia ikerketapean dago, ustez espioitza legea urratzeagatik. Floridako etxean atzeman dioten dokumentazioaren edukia defentsa arloko gaiekin lotuta dago, besteak beste.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...