Patronalak soldaten inguruko mehatxua egin du zergen harira

CEOEk Espainiako presidenteari esan dio soldatak %2 igotzeko aholkua ere ez dela beteko agian. Bi gaiak «lotuta» daudela dio
Garamendi eta Rosell, Cepyme eta CEOEko buruak, atzo.
Garamendi eta Rosell, Cepyme eta CEOEko buruak, atzo. J.J. GUILLEN / EFE

Xabier Martin -

2018ko uztailak 11
Bukatu dira iritsi berriari egiten zaizkion irriak. Espainiako presidente Pedro Sanchezek patronalaren kopetiluna aurrez aurre ikusteko aukera izan zuen atzo; UGT eta CCOOrekin adostutako negoziazio kolektiboaren akordioaren berri ematera joan zitzaizkion itunaren sinatzaileak, baina CEOEk eta Cepymek bere liburua saldu zioten Sanchezi: %15eko gutxieneko sozietate zerga ezartzeko ideia ez badu baztertzen, agian ez da beteko soldatak %2raino igotzeko akordioa. «Enpresek soldataren gaiarekin konplitu nahi dute, baina kostuak handitzeak porrotera eraman dezakete lortutako igoera, loturik baitaude biak».

%2 gehi %1eko igoera aldakorra —emaitzei, absentismoari eta produktibitateari lotua— Espainiako sindikatu eta patronal nagusiek adostutako erreferentzia bat baizik ez da, juridikoki baliogabea, baina Euskal Herrian garrantzia eduki dezake; ELAk eta LABek osatzen duten gehiengo sindikalarentzat inolako erreferentzia ez den arren, milaka euskal langilek dauzkate lan baldintzak estatalizaturik, berritzeko dagoen Espainiako hitzarmen bati lotuak, alegia. Bada, enpresaburu bakoitzaren borondatearen arabera aplikatuko litzatekeen igoera erreferentzia hori ere bazter utz dezaketela azaldu zioten Pedro Sanchezi Joan Rosell eta Antonio Garamendi CEOE eta Cepymeko buruek.

Sanchezek berak Gizarte Segurantzari egindako kotizazio handienei gehienezko muga kentzeko eztabaida abiarazi du, eta, enpresen irabaziak zergapetzen dituen sozietate zergan, %15eko gutxienekoa ezartzeko ekimena ere badauka gobernuak. «Lasaitasun handia eta azterketa sakon bat» eskatu du patronalak zergak igo aurretik; eta, bide batez, mehatxu argia egin diote Sanchezi: soldata igotzeko aholku hori ere ezerezean utz dezakete enpresak gehiago pagatzen hasten badira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna