Autodefentsa sarekoen epaiketa atzeratu egin dute

Langileen Autodefentsa Sareko (LAS) Bilboko kideen aurkako epaiketaren hasiera apirilaren 15era atzeratu dute. Limpiezas Arana Bilboko enpresaren «esplotazioa» salatzeko kanpainako elkarretaratze baten harira, gaur ziren deklaratzera joatekoak lehen bi akusatuak: enpresa salatua duen langile ohia eta LASeko kide bat. Epaileak, baina, apirilaren 15era atzeratu du, eta beste hiru pertsona deitu ditu deklaratzera. Erabakiaren oinarrian asteleheneko gertakariak daude. Egun horretan, Espainiako Poliziak LASeko lau kide atxilotu zituen, eta egun osoa izan zituen polizia etxean. LASen arabera, epaileak deituriko pertsonetako bat ez zen kontzentrazioan egon.