Bertso bazkaria jaigunearen erdian
SANTIAGO PLAZA. Bertsozaleentzako ezinbesteko topagunea izan ohi da Santiago plaza egunero. Gaur ere hala izango da, baina bertso-bazkari formatuan arituko dira kantuan Onintza Enbeita eta Igor Elortza bertsolariak, 14:30etik aurrera.
Aste Nagusia ospitalera iritsiko da
OSPITALEA. Aste honetan Marijaiak Bilboko bazter ugari bisitatuko ditu, baina geldialdirik bereziena egingo du gaur Basurtuko ospitalean. Zirkuarekin batera joango da, han gaixo dauden haurrak bisitatu eta Aste Nagusiko festa giroa haraino eramateko.
Trabestitzea, poteoa egiteko beste aitzakia
PINPILINPAUXA. Aste Nagusian edozein aitzakia da ona poteoan ibiltzeko. Mozorrotu eta gauza bera egiteko aukera edukiz gero, deialdia are tentagarriagoa bihur daiteke. Pinpilinpauxa konpartsan biak uztartzeko aukera egongo da, gaur, 18:00etatik aurrera.