Manifestaziora deitu du GuraSOSek

Azaroaren 27rako manifestaziora deitu du GuraSOSek, beste hainbat eragileren babesarekin, Zubietako erraustegia ixteko eskatu eta «kontrol demokratiko zorrotza» aldarrikatuz. Donostiako Kursaaletik hasiko da, 12:00etan, Orain bai, gelditu! Elkarrizketa konponbidea lelopean. Hurrengo asteetan «atxikipen gehiago lortzeko kanpaina bat» abiatuko duela ere esan du, eta hezkuntza arloan ere «eztabaida pizteko proposamena» egingo duela. Dagoeneko, babes zabala jaso du deialdiak; besteak beste, Eguzki, Ekologistak Martxan eta Greenpeace talde ekologistak, CCOO, ELA eta LAB sindikatuak zein Ulia eta Gros auzoko bizilagunen elkarteak.