Feminismoa eta antimilitarismoa, eskutik

Herenegun izan zen Gerraren Aurkako Emakumeen Nazioarteko Eguna, eta, horren harira, Euskal Herriko mugimendu feministak hainbat mobilizazio antolatu ditu egunotan. Atzo, Donostiako Bulebarrean egin zuten elkarretaratzea, Donostiako Emakumeen Etxeak deituta. Bildu zirenek gogoratu zuten Euskal Herria armagintza industriaren guneetako bat dela, eta feminismoak mugimendu antimilitaristekin historikoki izan duen harremana nabarmendu zuten.